Juda 1:8 - JAM DE NHIALIC 2011

⁸ Ku kɔckë aya, acïtkï keek, kɔc ee nyuöth ë kërac, ayek kegup tɔ nhiany, ku yek bäny kuöc riëëu, ku yek adhuëŋ läät ë lɛ̈ɛ̈t rac.

Juda 1:8 ပူးပေါင်းရင်းမြစ်များ

Cäk 3:5

Aa lueel ë Nhialic aya, në luɔi ŋic En en an të la wek ë timë cam, wek bï ciët Nhialic. Wek bï këpiɛth ŋic ku ŋiɛckï kërac.”

Bɛ̈n 22:28

“Du Nhialic ee luɛ̈l guöp kërac, ku du bɛ̈ny ë kɔckun ee läm kërac.

Kɛ̈ŋ 30:11

Kɔc kɔ̈k ayek wärken läät, ku acïkï märken ee thieei.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Wɛ̈ɛ̈t 10:20

Ayï täŋdu yic, du bɛ̈ny kɔn läät ku nɔn yen raan kueth, cakaa yïn ë tɔ̈u ë biökku nïïm, yïc acïn athïn aduëër ë yom yiɛ̈n keek.

Kuɛ̈n 16:3

acïk bɛ̈n guëër në Mothe lɔ̈ɔ̈m kekë Aron ku göthkï në keek luelkï an, “Këdun acäk ŋuak nɔm arëët! Akutnɔm de Yithriɛl ëbɛ̈n aɣeric acïn raan tök. Ku Bɛ̈nydït atɔ̈u ke keek. Ka yeŋö ya wek röt tïŋ cït ka wär kɔc?”

Luk 11:25

Na wën, aacï bɛ̈n, ke yök ɣöt acï weec ka acï yic läk.

Luk 12:11

“Ku të ye kek week bɛ̈ɛ̈i ë ɣööt ke Nhialic yiic ku bäny nïïm bäny ee löŋ guiir, ku bäny ee kɔc cieŋ, ke we duökï ë diɛɛr në wël bäk bɛ̈ɛ̈r, ku në kë bäk lueel.

Luk 19:14

Ku amɛɛn kɔc ke paanden, gokï kɔc tuɔɔc ë yecök, kɔc bï e lɔ lueel an, ‘Wo cïï raanë kɔɔr luɔi bï en wo cieŋ.’

Luɔi 23:5

Go Paulo lueel an, “Wäthii aa kuöc nɔn ee yen bɛ̈nydïït ë kake Nhialic, acï gɔ̈ɔ̈r an, ‘Du bɛ̈ny ceŋ kɔckun ee lat.”’

Luɔi 7:27

Na wën, ke raan wën cï mɛnhkënë cam, ke jiëp Mothe wei an, ‘Nyai! Eeŋa cï yï tɔ ye bɛ̈nyda, bɛ̈ny bï löŋda ya guiir?

Luɔi 7:39

Raan wään cï kuarkuɔ këde rɛɛc piŋ, acïk jäp wei, agokï kepiɔ̈ɔ̈th bɛ pɔ̈k Rip.

1 Kor 3:17

Raan ee luaŋdïït ë Nhialic tɔ nhiany, en abïï Nhialic tɔ nhiany: luaŋdïït ë Nhialic ee kë ɣeric, ku yen aye week.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

1 Pet 2:17

Yak raan theek ëbɛ̈n. Yak mïthëkɔckun nhiaar. Yak riɔ̈ɔ̈c ë Nhialic. Yak melik riëëu.