Juda 1:7 - JAM DE NHIALIC 2011

⁷ Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.

Juda 1:7 ပူးပေါင်းရင်းမြစ်များ

Cäk 13:13

Ku kɔc ke Thɔdom aake cï göök dït ke karɛc wäc Bɛ̈nydït.

Cäk 18:20

Go Bɛ̈nydït lɛ̈k Abraɣam an, “Në biäk cï kiɛɛu de Thɔdom dït kekë Gomoora, ku cï karɛcken dït arëët,

Cäk 19:5

Ku cɔlkï Lɔt, lëkkï yen an, “Kɔc wën bɔ̈ an bïk bɛ̈n niin ɣöndu, nukï ë nou? Yiɛ̈në ke wook buk keek bɛ̈n niɛɛn.”

1 Mel 22:46

Acï röör ku diäär lik cï döŋ apïr nɔ̈k, kɔc ɣɔn ee luui ke ke ye röör akɔɔr diäär ku diäär akɔɔr röör, në ɣään thöny ye kɔc ke yiëth lam thïn, kɔc ɣɔn dɔ̈ŋ piny në akööl ke Atha wun.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 13:19

Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Jeremia 20:16

Tɔ cït ee pɛ̈ɛ̈nydïtkë, pɛ̈ɛ̈nydït cïï Bɛ̈nydït ke riɔ̈ɔ̈k ke cïn kokëpiɔ̈u. Tɔ piŋ dhiën de arɛɛm ë dhiëëuwic, ku piŋ kaaŋ de tɔŋ aköl,

Jeremia 50:40

Kë wään cï rɔt luöi Thɔdom kekë Gomoora abï rɔt luöi Babilonia, wään bän keek riɔ̈ɔ̈k në wuöt thiääk ë keek. Acïn mɛnh ë raan bï bɛ rëër ëtɛ̈ɛ̈n. Acä lueel, Yɛn Bɛ̈nydït.

Dhiëëu 4:6

Kɔckï acï keek luöi këtuc, këtuc wär këtuc cï luöi kɔc ceŋ Thɔdom, kɔc ɣɔn yök duëër adur ë thiäu ë Nhialic cin.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Math 11:24

Ku yɔ̈ɔ̈k an, Këtuc bï piny ë Thɔdom yök acïï bï kït kekë këtuc bä yök ëkööl ë guiëërëlöŋ.”

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Luk 17:29

Ku kööl ë jiël Lɔt ë Thɔdom, kööl manë guöp, ke mac löny nhial kekë thulpur, bï ku nɛ̈k keek kedhie.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

2 Pet 2:2

Ku kɔc juëc abïk täudɛn ye kek käŋ riɔ̈ɔ̈k dɔmic, agokï kueer ë yic tɔ lat ë län rac.

2 Pet 2:6

Ku kuiith pɛ̈ɛ̈nydït Thɔdom ku Gomoora piny ë mac abïk aa ŋeth, guiir en löŋden, an, bïke dhuöör piny, ago ke tɔ ye kääŋ bï kɔc bɛ̈ɛ̈i nïïm, kɔc an, bïk Nhialic aa rɛɛc riëëu.

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.