Juda 1:6 - JAM DE NHIALIC 2011

⁶ Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.

Juda 1:6 ပူးပေါင်းရင်းမြစ်များ

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 8:29

Na wën, ke ke cöt an, “Eeŋöda në yïn, yïn Yecu, Wën ë Nhialic? Cï bɛ̈n eenë ke akööl ë ke ŋoot, bä wo bɛ̈n leeŋ piɔ̈ɔ̈th?”

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Epethiei 6:12

Wo cie wït në rïŋ ku riɛm, wok ee wït në ciɛɛŋ, ayï riɛl, ayï bänydït ke cuɔlëpinyë ënɔɔnë, ayï rɛm ke jɔɔk rac, rɛm nu tënhial, kek a wït wok ë ke.

Ɣeberuu 10:27

Kë cï döŋ bïk tiit ee riɔ̈ɔ̈c bï bɛ̈n ë kööl ë guiëër ë löŋ ku tuöc ë manydïït bï kɔc ee teer ë Nhialic nyop!

2 Pet 2:4

Ku të kënë Nhialic tuucnhial pɔ̈l tuuc ɣɔn loi kërac, ku acï keek cuat ë adhum thuthic mɛc keek ë joth ke cuɔlëpiny abïk tɔ̈u ëtɛ̈ɛ̈n aɣet kööl bï löŋden guiir.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

Juda 1:13

Acïtkï apiöŋ de wɛ̈ɛ̈r apiöŋ ee rɔt miɔɔk, abïk ayärden gut cït man ë amoth. Acïtkï kuɛl ee tai, luɔi cï Nhialic duëëradur col ëcut tɔ̈ɔ̈u bï aa këden aɣet athɛɛr.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 20:2

Bï ku dɔm ŋuäldït, kërɛɛc thɛɛr, yen aye Jɔŋdït Rac, ku ye Catan, go rek thöl agum de run ke mac,