Juda 1:4 - JAM DE NHIALIC 2011

⁴ Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Juda 1:4 ပူးပေါင်းရင်းမြစ်များ

2 Tham 22:5

Ku apiöŋ de thuɔɔu acï bɛ̈n ë yalɔ̈ɔ̈m. Ku kiɛɛr ke thuɔɔu acïk a tuɔɔk cil.

Diɛt 1:1

Thieithieei në kɔc ee jiɛɛm ke kɔc rac rɛɛc piŋ, kɔc cïï kɔc ee karɛc looi ee kuany cök. Ku cïkï ee mat në kɔc ee Nhialic dɔl guöp.

Diɛt 62:2

Yen Yetök, Yen aye kuurdï ku Ye konydï, ee tëdiën ë riɛl, ee ya gël, yɛn cïï duëërë tiaam.

Math 13:25

na wën, të niin ë kɔc, ke raan de ater ke yen bɔ̈, go wɛ̈ɛ̈l röör wɛɛr ë agamɔ yic cil, ku jël.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 15:24

Acuk piŋ nɔn de kɔc kɔ̈k cï jäl ë woyiic, kɔc cï week jut në wël wëëtë ke, ku liëëpkï wenïïm, luelkï, an, bï we dhil cueel, ku bäk löŋ aa döt, ku acïn kë cuk thɔ̈n keek.

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

1 Tim 5:8

Ku na de raan reec diɛɛr në këde kɔcken, ka ye raan rac, ku na reec diɛɛr në këde dhiënde guöp, ka ye raan rac aläl, acï gäm rɛɛc ëtaiwei, aŋuɛ̈ɛ̈n ë raan kën kɔn gam.

2Tim 2:12

Të ye wo käŋ guum, ke wo bï piny cieŋ në yen ëtök. Të jiɛi wok en, ka bï wo jai aya.

2Tim 3:6

Kɔc kɔ̈k ë keyiic ee kɔc ee lɔ ɣööt ke kɔc yiic, lek diëër piɔl piɔ̈ɔ̈th rum piɔ̈ɔ̈th, diëër juëc ë karɛckɛn cïk wööc, ku yek ke thɛl wei në ŋɔ̈ɔ̈ŋdɛn ë ke dɔm ŋɔ̈ɔ̈ŋ de këriëëc,

1 Pet 2:16

Na cakaa wek ë ye kɔc lääu nïïm, ke we duökï nɔmlääudun tɔ ye kën ë luɔi de kërac kum, yak tɔ̈u cït lïïm ke Nhialic.

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

1 Pet 4:18

Cït man ye këcïgɔ̈ɔ̈r ye lueel an, “Ku të ye raan piɛthpiɔ̈u kony wëi ë kadhäl, ke raan reec Nhialic ku raan ee kërac looi bïk tïc tënou?”

2 Pet 2:10

ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.

2 Pet 2:7

Ku kony Lɔt raan piɛthpiɔ̈u, raan ee cool ë jeth piɔ̈u në luɔi col ëcut ee kɔc rac looi.

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.

1 Jɔn 2:22

Eeŋa ye alueeth? Cie raan ee jai, an, cïï Yecu ee Kërtho? Raan man Kërtho ka, raan ee jai ë Wääda kekë Wënde.

Juda 1:15

bï kɔc bɛ̈n tɔ yök këdɛn tuc kedhie, ku bï kɔc reec Nhialic riëëu bɛ̈n jɔ̈ɔ̈ny në luɔidɛn rɛɛc cïk looi ëbɛ̈n në reec reec kek Nhialic riëëu, ku jäny kɔc në jam tuc cïk lɛ̈k en ëbɛ̈n, kek kɔc ee kërac looi kɔc reec Nhialic riëëu!”

Juda 1:18

Wël wään cïk ke lɛ̈k week an, “Kööl rial kɔc de gup agɛɛt abïk dhil nu, kɔc bï ŋɔ̈ɔ̈ŋdɛn rac aa kuany cök.”

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”