Juda 1:12 - JAM DE NHIALIC 2011

¹² Kɔckë ayek kuur cï thiaan këcamduön ë nhiëëric, të ye kek rɔm ë week ëtök ë këcam, ku yek këyäc thiɔ̈ɔ̈ŋ ke ke cïï riɔ̈c, ayek luäät cïn yiic pïïu, luäät ee yom kuaath. Acïtkï tiim ee mïthken dap yom, agokï cuö lok, tiim ruël cï thou raanrou, ago ke wöth bei në meiken.

Juda 1:12 ပူးပေါင်းရင်းမြစ်များ

2 Lëk 7:20

ke wek bä nyaai piny cä gäm week, ku Yɛn bï Luaŋdït cä thieeiyë ke ee të bï ë Yɛn aa lam thïn nyääŋ piny. Abï kɔc ke wuöt ëbɛ̈n kääŋ aa lueel ku dɔl guöp, ku yek looi arac.

Jop 8:17

Aye meiken ke röt lɔ nai në akut ë kɔi kɔ̈ɔ̈th, ku duutkï kɔɔi piny ëbɛ̈n aril.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 37:2

Abïk dap riäär ëthiäu cït man ë wal ee riɛl, abïk biɔɔr cït man anin.

Kɛ̈ŋ 25:14

Raan ee yenɔm ɣääc në miɔ̈c cïï bï gam acït luändïït put ë yom cïnic deŋ.

Edhekiɛl 17:9

“Ka yɛn Bɛ̈nydït Awärjäŋ, yɛn ee thiëc: bï enapë pïïr ku bï dïït? Cï cuɔɔr tueŋ bï nyuän thar bei në meike? Ku tët mïthke bei, ku dhuuŋ kërke ku jɔ ke tɔ biɔɔr? Acïï riɛldït bï kɔɔr ku nɔn ee jur ril bïï ye nyuän thar bei.

Edhekiɛl 34:10

Yɛn Bɛ̈nydït Awärjäŋ, acä lueel nɔn ee Yɛn raan de ater wo tïït ke thök. Yɛn bï amɛ̈lkï nööm tëde week, ku cä week bï bɛ tɔ ee tïït ke thök, wek cä ke bï bɛ tɔ muk röt wapäc. Yɛn bï amɛ̈lkï luäk bei në wecin, ku cä week bï bɛ tɔ cuet thök.

Edhekiɛl 34:18

Kɔc kɔ̈k ë wek yiic, akënkï piɔ̈ɔ̈th röŋ në cäm de wal piɛth, wek ee wal kënkï cam dum yiic në wecök! Wek ee pïïu lɔ nyïïn top dek, ku dhuöthkï ka kɛ̈nkï keek dek në tiɔ̈k!

Edhekiɛl 34:2

“Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Edhekiɛl 34:8

Në yic ke ya ye Nhialic pïïr, apiɛth bäk kë lɛk week piŋ. Thökkï acïï läi roor ke näk ku cuet keek në biäk cïn en tïn ee keek tiit. Tïn de thökkï akën them bïï thök lɔ kɔɔr. Aake ye röt muk kapäc ku acie thök kek ë titkï.

Ɣodh 6:4

Ku aye Bɛ̈nydït lueel an, “Bä week jɔ looi adï Eparaim? Ku eeŋö bä luöi week, wek kɔc ke Juda? Nhiëërdun acït ruu amiäk, ku cït thäc, ee guɔ riäär ëthiäu.

Lebai 14:43

Na cï dhiëi bɛ tïc ɣööt, të cïï kur cuat wei, ku cï ɣöt thuöör piny ku yiu.

Math 13:6

Na wën, acï akɔ̈l ruɛl, ke ke biɔɔr, ku yomkï, në baŋ cïn kek mei.

Math 15:13

Go bɛ̈ɛ̈r an, “Wäl ëbɛ̈n wɛ̈ɛ̈l kënë piith ë wäär nu paannhial abï wöth bei kekë meeide.

Mak 4:6

Na wën, aacï akɔ̈l ɣëët nhial, ke ke biɔɔr, gokï yom, luɔi cïn kek mei.

Luk 12:45

Ku na jam lïmë ë yepiɔ̈u an, bɛ̈nydï acï gääu ë bɛ̈nde, ago wɛ̈ɛ̈t lïïm gɔl ë dui ayï duet lïïm, ku ye cam ku ye dek ku ye rɔt tɔ wit mɔ̈u,

Luk 16:19

“Raan anu raan juëc ë kakë, ku ye lupɔ thiith amujuŋ cieŋ, lupɔ piɛth lɔ mot, ku ye cam ë kamit ku ye rëër ke ye adhuɛ̈ŋ ë aköölnyïïn kedhie.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Luk 8:6

Ku lööny kɔ̈k piny de kuur, na wën, aa cïk goŋ, ke ke dap biɔɔr, në ciën tiɔp tiɔɔp ë piny.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

1 Tim 5:6

Ku tiiŋ ee kuɛth ë yänyde kɔɔr tei, na ciɛk pïïr ka cï thou.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

Jakop 5:5

We ye röt ŋiëc kapiɛth ë piny nɔm, ku yak kuɛth ë yänydun kɔɔr, we ye röt tɔ kueth ë kuɛth ee kɔc kuɛth ëkööl ee käŋ nɔ̈k.