Juda 1:11 - JAM DE NHIALIC 2011

¹¹ Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.

Juda 1:11 ပူးပေါင်းရင်းမြစ်များ

2 Mel 16:16

Go Yuria bɛ̈ny de kake Nhialic looi cït kë cïï melik lɛ̈k en.

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Yith 3:9

Luɔi de awɛ̈ɛ̈cken ee rɔt anyooth në kenyïïn. Acïkï keek ee thiaan cït man de kɔc ke Thɔdom. Amawoou, në riäŋ cïk yiɛ̈n röt.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Edhekiɛl 13:3

Kë lueel ë Bɛ̈nydït Awärjäŋ kï: “Amawoou në tït piɔlpiɔ̈ɔ̈thkë abïk riääk! Ayek röt thiɔ̈ɔ̈ŋ ë wëiken kapäc, ku jɔkï nyuuthken cak.

Maika 6:5

Dɔ̈tkï në wenïïm kɔckï, në kë ɣɔn cï rɔt looi. Meliŋ de Mowap cɔl Balak acï tiët cɔl Balaam wën ë Beyor kumthok, an bïï week läm aciɛɛn. Aguɔ aciɛɛn bɛ̈n puk në yethok ke ye athiɛɛi. Takkï wenïïm në kapiɛth ɣɔn ta Yɛn ke wɛ̈ɛ̈r de Jordan dëu, ku tɛ̈mkï në Akacia ɣɛtkï Gilgal. Yen abä wek kueer ë luäk Ɛn week Yɛn Bɛ̈nydït jɔ ŋic.

Dhek 11:17

Amawoou në tïn cïn naamdeyë acï luöi këtuc! Ë lunyde päl wei. Riɛlde abï tɔŋ nyaai taitai. Abï kök wiɛɛu, ku cɔɔr nyin cuënyde.

Kuɛ̈n 31:16

Ee kek diäär gup, kek aa gam wëlke Balaam ku tɔkï kɔc ke Yithriɛl reec Bɛ̈nydït në kuur de Peyor. Ku ë kënë, acïï akutnɔm de kɔc ke Nhialic bɛ̈n tɔ löny ë jɔk.

Math 11:21

An, “Amawoou në yïn, yïn Karadhin! Amawoou në yïn, yïn Bethaida! Tëë cï luɔi ril looi ë Tayer ku Thidon, cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ku ceŋkï cual ku rëërkï ë aropic.

Nyöŋ 23:4

Acïk jaai bïk week gäm këcam kekë pïïu wään bä wek bei në Rip, ku acïk Balaam wën de Beyor, raan wun de Pethor ë Methopotamia riɔp bï week läm aciɛɛn.

Ɣeberuu 11:4

Në biäk de Abel nɔm gäm de yic aŋäth, go Nhialic miɔɔc në miɔ̈c ŋuän awär miɔ̈c ë Kain. Abel acï Nhialic bɛ̈n gam kekë miɔ̈cde, ku gämde aŋoot ke cɔɔl rinke, na cakaa nɔn cïï yen thouwë.

2 Pet 2:15

Kɔc cï kueer lɔ cit pɔ̈l, ku mɛ̈ɛ̈rkï, agokï kueer ë Balaam wën ë Beyor kuanyic, raan ɣɔn nhiaar ariöp de luɔi de kërac

1 Jɔn 3:12

Ku cuku bï ciët Kain, raan ë bɔ̈ tëde jɔŋdïït rɛɛcë, raan cï mɛnhkënë nɔ̈k. Ku eeŋö ë nɛ̈k en? E luɔi rɛɛcë luɔide, ku piɛth luɔi de mɛnhkënë.

Nyuuth 2:14

Ku yɛn cath wo cök liaakäŋ cök bän yï jɔ̈ɔ̈ny, cöök tök kï, nɔn de yïn kɔc ëtɛ̈ɛ̈n kɔc ee wëët ë Balaam muk, raan ɣɔn wëët Balak, an, bï kë bï kɔc tɔ kɔ̈th cuat kueer ë mïth ke Yithriɛl, an, bï ka cï lam aa cam, ku bïk diäär aa kɔɔr.