Jowɛl 3:17 - JAM DE NHIALIC 2011

¹⁷ “Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Jowɛl 3:17 ပူးပေါင်းရင်းမြစ်များ

Jop 15:19

ee kek ë gëm ë Nhialic pinyden kapäc, ku acïn juöör cï röt kɔn liääp në keek.

Diɛt 76:2

Ade nɔm paande ë Jeruthalem, arɛ̈ɛ̈r në kuur ë Dhiɔn nɔm.

Diɛt 9:11

Pianykï Bɛ̈nydït; Raan ceŋ Dhiɔn! Lɛ̈kkï juöör ëbɛ̈n kë cï looi!

Bɛ̈n 16:12

“Yɛn ë dok de kɔc ke Yithriɛl piŋ. Abïk aa cuet në rïŋ thëën, na miäk adurduur ke ke cäm në kuïn cït man ë kë kɔɔrkï, ke bïk ŋic nɔn Yan Bɛ̈nydït Nhialicden.”

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 4:3

Raan ëbɛ̈n raan cï nyääŋ Dhiɔn, ku cï döŋ Jeruthalem, kɔc cï Nhialic tɔ döŋ ke ke pïïr, abï ke aa cɔɔl an, “Kɔc ɣeriic.

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Jeremia 31:23

Acïï Bɛ̈nydït de rɛm, Nhialic de Yithriɛl lueel an, “Të lan kɔc pɔ̈k nïïm pinyden, abïk bɛ aa lueel piny de Juda ku në wuötken yiic an, ‘Në Bɛ̈nydït thiei tëde piathëpiɔ̈u, Yïn kuur ɣeric ee Yen rëër thïn.’

Jeremia 31:40

Wak ëbɛ̈n, të cï kɔc cï thou tɔ̈ɔ̈u, ku cuɛtë kɔc cï rɛɛc thïn, ku lɔ duum nu në awuöl de Kidron nɔm ëbɛ̈n, ɣeet ë Kal de Jöŋgöör thok të lɔ aköl amiäk, abï aa kë ɣeric tëde Yɛn. Pänydït acïï bï bɛ thuöör piny ku riäk.”

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 37:6

Ku yiëk we räl ku rïŋ, ku kuöm wegup në dɛ̈l. Yɛn bï wëi tääu në weyiic ku bɛ week tɔ pïïr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.”

Edhekiɛl 43:12

Kënë ee löŋ de Luaŋdït: piny thiääk ke Luaŋdït ëbɛ̈n, në kuur nɔm nhial ee tëɣeric.”

Edhekiɛl 44:9

“Yɛn Bɛ̈nydït Awärjäŋ, yɛn aa lueel en, an acïn alen kënë cueel, ku cin raan cïï yɛn ee riëëu bï lɔ tëdiën ɣeric, na cakaa alen rɛ̈ɛ̈r në kɔc ke Yithriɛl yiic.”

Edhekiɛl 48:35

Bɛ̈ɛ̈r de päny ëbɛ̈n në biäk ke pänydït kedhie kaŋuan, ee agum kathiëër ku thiërbɛ̈t (10,080) de akeem. Ku rin ke pänydït gɔl ënɔɔnë leer wadäŋ abï aa, “Bɛ̈nydït anu ee tënë!”

Danyel 11:45

Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Jowɛl 2:27

Yen abä wek en jɔ ŋic nɔn nu Yɛn ë weyiic, wek Yithriɛl, ku ŋiɛckï nɔn Yan Bɛ̈nydït Nhialicdun Yatök acïn raan däŋ pei. Kɔckï acïï keek bï bɛ biɔɔn gup ananden.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.