Jowɛl 3:16 - JAM DE NHIALIC 2011

¹⁶ Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Jowɛl 3:16 ပူးပေါင်းရင်းမြစ်များ

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 29:11

Bɛ̈nydït ee kɔcke gäm riɛl, Bɛ̈nydït ee kɔcke thieei në mät.

Diɛt 61:3

në baŋ ee Yïn konydï, alooc bäär ë ya luök në kɔc ke aterdï,

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Yith 33:16

Ëtɛ̈ɛ̈n we bï kony, ka we bï ciët ka nu të cï gël. We bï nïïm dɛ këcam camkï ku pïïu dɛkï.

Yith 33:21

Bɛ̈nydït abï wo nyuöth dhuëëŋde. Wok bï rëër në kiɛɛrdït ku nyïïn ke pïïu dït thook, ku abëël wïïr ke kɔc ke ater acïkï bï aa tem thïn.

Yith 42:13

Bɛ̈nydït ee lɔ biic ke lɔ piɔ̈t cït rem ë tɔŋ, acï rɔt guiir ke de piɔ̈u tɔŋ. Ee dhiën ë tɔŋ gam ku looi awuɔɔu de tɔŋ, ee riɛlde nyuöth kɔc ke aterde.

Yith 51:16

Yɛn aa thiëth paannhial ku tääu këërkëër de pinynɔm piny, ku lëk Jeruthalem an, ‘Wek ee kɔckï! Wek cä gäm wëëtdï, ku wek cä gël në yaciin.”’

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 17:17

Du rɔt tɔ ee riɔ̈ɔ̈cdït tëde yɛn, Yïn ee tëdiën de thiaan të cï nuan bɛ̈n.

Edhekiɛl 38:19

Acä bɛ̈n lueel në tuöc de agönhdï, në ye köölë piny abï rɔt nieeŋ aläl piny de Yithriɛl.

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Amoth 1:2

Ago Amoth lueel an, “Bɛ̈nydït abï jam në kuur ë Dhiɔn nɔm, ku reel në Jeruthalem. Ka ɣään ke nyuäth ke kɔc ee thök tiit abïk riɛl kedhie, ayï kuur ë Karmel abï nɔm biɔɔr aya.

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Naɣum 1:7

Bɛ̈nydït apiɛth, ee kɔcke gël në akööl ke kërac, ee kɔc ŋäth En döt apiɛth.

Ɣagai 2:6

Aye Bɛ̈nydït de rɛm lueel an, “Në ee nïn likë, Yɛn bï tënhial kekë piny niɛŋ, ku niɛŋ wɛ̈ɛ̈r, ayï tëril.

Ɣagai 2:7

Aye Bɛ̈nydït de rɛm lueel an, Yɛn bï juöör pɔ̈k piny kedhie, ka wëuken abïk guëër eenë, ka Luaŋdït abï thiäŋ ke athiɛɛi.

Dhek 10:12

Kɔckï abä keek tɔ ril, Abïk Yɛn aa gam thök, ku dhuëŋkï ya rin. Acïï Bɛ̈nydït Lueel.

Dhek 10:6

“Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

Dhek 9:12

Puɔ̈kkï röt pinydun wek kɔc ë cï peec, wek cï dɛ aŋäth ënɔɔnë, acä teem ë köölë nɔn bän we puɔ̈k nïïm ka mat kakun yiic raan rou.

Ɣeberuu 12:26

Të ɣɔn kɔn ë Nhialic jam në jamdɛn tueŋ, rölde yetök ë piny bɛ̈n nieeŋ. Ku ënɔɔnë acï lueel luɔi bï Yen piny nyɔk ë niëŋ nieeŋ En en, ayï ka nu nhial ayadäŋ.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 16:18

Ku jɔ deŋ wil aläl, ku nu röt ke kɔc, ku määrëdeŋ, ku bɔ̈ niëŋ dïït nieeŋë piny rɔt, acïn kë cï kɔn ciët en ëcaŋɣɔn nu kɔc ë piny nɔm, yen dït ë niëŋ cï piny rɔt niɛŋ arëëtdïïtë!

1 Tham 15:29

Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”