Jowɛl 2:26 - JAM DE NHIALIC 2011

²⁶ Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Jowɛl 2:26 ပူးပေါင်းရင်းမြစ်များ

Cäk 33:11

Dɔm miɔ̈cdiën cä tuöc yïn, yïn läŋ, në luɔi cï Nhialic ya ŋiëc looi apiɛth, ka yɛn ë nɔm dɛ kajuëc aläl ënɔɔnë.” Na wën, acï Jakop Ethau lɔ̈ŋ arëët, ke dɔm ë Ethau keek.

Neɣe 9:25

Kɔcku acïk wuöt ril ë tör dɔm, ayï piny ee luɔk, ku ɣööt cï thiäŋ ë këriëëc ëbɛ̈n, ku yïth cï thök në wëc, ku duum ke tiim ke olip ku tiim ee luɔk në mïth, ku camkï këriëëcdɛn kɔɔrkï abïk cuai, acïï këriëëc piɛɛth cï gäm keek ëbɛ̈n ke tɔ mit piɔ̈ɔ̈th.

Diɛt 103:5

Ë pïïrdï thiɔ̈ɔ̈ŋ yic ë kë piɛth ëbɛ̈n aguɔ tɔ̈u ke ya cïï dhiɔp ku riɛl cït man ee cuɔɔr.

Diɛt 116:7

Yɛn bï yapiɔ̈u päl piny ë määth, në biäk piɛth ë Bɛ̈nydït kekë yɛn.

Diɛt 13:6

Bɛ̈nydït, yïn bä kët dit, në luɔi piɛth Yïn we yɛn.

Diɛt 22:26

Kɔc kuanynyïïn abïk cam abïk kuɛth, ku kɔc ee Bɛ̈nydït ŋɔ̈ɔ̈th abïk Bɛ̈nydït leec. Piɔ̈ndu abï tɔ̈u aɣet athɛɛr.

Diɛt 37:19

Acïkï bï nuan në akööl ke kërac, ku abïk nïïm dɛk kacaam akööl ke cɔk.

Diɛt 67:5

Tɔ kɔc lec yïn Nhialic, tɔ kɔc kedhie lec Yïn!

Diɛt 72:18

Pianykï Bɛ̈nydït, Nhialic de Yithriɛl! Ee Yen Yetök Yen ë kake gäiyë looi.

Kɛ̈ŋ 13:25

Kɔc piɛth piɔ̈ɔ̈th ade kë ee ke lëu thook, ku rɛ̈ɛ̈r kɔc ee karɛc looi në cɔk.

Diɛt ke 5:1

Yɛn cï lɔ domdï, nyan mit ë yapiɔ̈u, nyandiën thiaak. Yɛn mɛ̈ɛ̈t walkiën ŋïr yiic kekë mer. Yɛn cam miökdiën ë kiëc, kekë athïn de kiëc. Yɛn dek mɔ̈ndï kekë ca. Cämë, monydiën nhiaar, ku dɛ̈kkë arëk abä wiɛɛt ë nhiëër!

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 29:22

Ku ënɔɔnë Bɛ̈nydït Nhialic de Yithriɛl ɣɔn kony Abraɣam në nuanic, aye lueel an, “Kɔckï wek cïï gup bï bɛ yäär anandun, ku wek cïï wenïïm bï bɛ guöt piny në ayäär.

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Lebai 25:19

Piny abï luɔk në rɛɛpke, ku wek bï nïïm de këcam kaarkï ëbɛ̈n, ku wek bï rɛ̈ɛ̈r apiɛth.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Lebai 26:5

Wek bï aa käm aɣët të bï rap tem ku tɛmkï rap aɣët të bï com bɛ bɛ̈n, ku wek bï këcam kaarkï ëbɛ̈n cam, ku wek bï rɛ̈ɛ̈r ë diu pinydun.

Maika 6:14

Wek bï ya cam, ku ŋuɔɔtkï ke we röi, ë yic we bï ya ŋoot ke we nɛ̈k cɔk. We bï käŋ aa jɔt, ku acäkï keek bï lëu në kuët, kë bäk aa kueet ëbɛ̈n abä riɔ̈ɔ̈k në tɔŋ.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.

Dhek 9:15

Bɛ̈nydït de rɛm abï kɔcke gël, ka abïk kɔc ke ater riɔ̈ɔ̈k. Abïk aa kïïu tɔŋ cï ka cï mɔ̈u wit, ku lëukï kɔc ke ater riɛm, riɛm bï kuëër cït man ye riɛm de miɔ̈c näk wɛt piny në yïk nɔm.

Dhek 9:17

Piny abï kuöc läk arëët ëtɛ̈ɛ̈n. Rɛɛpke abïk dhuök tɔ ril, ku tɔ mɔ̈u dhueec ril.

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

Romai 9:33

acït man cï e gɔ̈ɔ̈r an, “Tiëŋkï, yɛn ë kuur ë kɔ̈th tuɛɛl ë Dhiɔnic, ku ye kuur dïït ee kɔc tɔ kɔ̈th arëët, Ku raan ëbɛ̈n raan gam en, acïï bï yäär.”

Nyöŋ 11:15

ku wal ke ɣɔ̈k, wek bï nïïm de kacaam kaarkï.

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 12:7

Në Bɛ̈nydït Nhialicdun lɔ̈ɔ̈m ëtɛ̈ɛ̈n, we bï cam, ku jakï piɔ̈ɔ̈th miɛt në bɛ̈ikun ëtök, në ka cäk keek looi ëbɛ̈n, ka cï Bɛ̈nydït Nhialicdun we thieei.

Nyöŋ 8:10

Wek bï nïïm dɛ këcam dït, ka wek bïï Bɛ̈nydït Nhialicdun thieei në biäk de piny ee ŋiëc luɔk, piny cï gäm week.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.