Jowɛl 2:21 - JAM DE NHIALIC 2011

²¹ Du riɔ̈c yïn piny, miɛtëpiɔ̈u ku dɔl arëët, në biäk de kajuëc cï ë Bɛ̈nydït luöi week.

Jowɛl 2:21 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Diɛt 71:19

Piathëpiɔ̈ndu Nhialic, ee ɣet nhial. Yïn cï kadït looi, acïn raan töŋ cït Yïn.

Diɛt 98:8

Pamkï wecin, wek kiɛɛr, wek kur, kɛ̈tkï ëtök ke we mit piɔ̈ɔ̈th në Bɛ̈nydït nɔm,

Yith 35:1

Jɔ̈ɔ̈r abï piɔ̈u miɛt, ku wal abïk gaak moc ë jɔ̈ɔ̈ric.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Yith 55:12

“Yïn bï Babilon nyääŋ piny ke yï mit piɔ̈u, yïn bï lɛɛr biic në pänydïtic në mät. Kur dït ku kur kor abïk wou ke ke ket diɛt, ku tiim abïk dɔl në miɛtëpiɔ̈u.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Ɣodh 2:21

Ku lueel ë Bɛ̈nydït, an, “Ku në ee köölë, Yɛn bï tënhial piŋ thok, ku tënhial abï piny nɔm piŋ thok. “Ku piny nɔm abï rap piŋ thok, ku piŋ mɔ̈u thok, ku miök, ku abïk piny de Jedhreel jɔ piŋ thok kedhie.

Jowɛl 2:20

Ku rem de tɔŋ de kɔyɔm wään bɔ̈ të lɔ rut, abä cuɔp wei tëmec ke week, yɛn bï kɔ̈k ɣɛɛt në jɔ̈ɔ̈ric tëril. Abïk nïïm lɔ gut në Wɛ̈ɛ̈r de Amilɔ kɔ̈u baŋ të lɔ aköl amiäk, Ku ka thïk kecök ciëën, abïk ɣet në wɛ̈ɛ̈r tɔ̈u të lɔ aköl athɛ̈i. Aŋuäc de gupken abï dït. Abä ke riɔ̈ɔ̈k në baŋ de kajuëc cïk luöi week.

Jowɛl 2:26

Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Dhek 8:15

Yen acän ye kiëët ënɔɔnë luɔi bän kɔc ke Jeruthalem thieei, ayï kɔc ke Juda. Ka week duökï riɔ̈c.

Nyöŋ 4:32

“Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

1 Tham 12:16

Yen ka, ënɔɔnë kääckï tëdun, ku wek bï göök bï Bɛ̈nydït ke looi tïŋ.

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week