Jowɛl 2:20 - JAM DE NHIALIC 2011

²⁰ Ku rem de tɔŋ de kɔyɔm wään bɔ̈ të lɔ rut, abä cuɔp wei tëmec ke week, yɛn bï kɔ̈k ɣɛɛt në jɔ̈ɔ̈ric tëril. Abïk nïïm lɔ gut në Wɛ̈ɛ̈r de Amilɔ kɔ̈u baŋ të lɔ aköl amiäk, Ku ka thïk kecök ciëën, abïk ɣet në wɛ̈ɛ̈r tɔ̈u të lɔ aköl athɛ̈i. Aŋuäc de gupken abï dït. Abä ke riɔ̈ɔ̈k në baŋ de kajuëc cïk luöi week.

Jowɛl 2:20 ပူးပေါင်းရင်းမြစ်များ

2 Mel 8:13

Go Ɣadhiɛl lop an, “Ya ŋa yɛn? Ka duɛ̈ɛ̈r kë cït ee kënë looi adï!” Go Elica pɔ̈k nɔm en an “Acïï Bɛ̈nydït nyuöth ɛn nɔn bï yïn aa melik de Thiriya.”

Diɛt 126:3

Ee yic acï wook luöi kagɛ̈iyë, wok mit piɔ̈ɔ̈th aläl!

Bɛ̈n 10:19

Go Bɛ̈nydït yom aköl amiäk puk nɔm në amaŋdïït bɔ̈ të lɔ aköl athɛ̈i. Go amaŋ gɔt gɔp, le luöp ë Wɛ̈ɛ̈r Thithic abï ciɛ̈n gɔn töŋ dɔ̈ŋ piny ë Rip taitai.

Bɛ̈n 8:14

Ago kɔc ke Rip ke thɔɔc nïïm në akuut dït. Gokï piny tɔ ŋuäc ëbɛ̈n.

Yith 34:3

Gupken acï ke bï tɔ̈ɔ̈u, abïk dhɔt piny ke ke cï nhiany ku thiäŋkï piny në aŋuäc, ku kur abïk nïïm aa thiir ëbɛ̈n ë riɛm.

Edhekiɛl 47:18

“Aken de biäk të lɔ aköl amiäk ee tëëk ke lɔ wöuwic në tuŋ de piny tɔ̈u ë kaam de piny ë Ɣadharenon ku Damathko kekë Ɣauran, ku ye wɛ̈ɛ̈r de Jordan akeu looi në kaam de piny de Yithriɛl tɔ̈u ë biäk të lɔ aköl athɛ̈i ku Giliyad në biäk të lɔ aköl amiäk, leer Tamar në Wɛ̈ɛ̈r de Amilɔ kɔ̈u.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Dhek 14:8

Kööl bïï ë kënë rɔt looi pïïu piɛth abïk wɛ̈t bei ë Jeruthalem, biäk tök abï wɛt ë Wɛ̈ɛ̈r de Amilɔ yic ku biäk däŋë abï wɛt në Abäpdit yic. Abï wat ë ruöön thok ëbɛ̈n, abï wat mɔ̈i ku abï wat rut.

Malakai 3:11

Ku Yɛn cïï käm bï tɔ riäk rɛɛpkun. Ku tiimkuön yak com domic abïk duɔɔny në mïth. Yen kë cïï Bɛ̈nydït de rɛm lueel ka.

Nyöŋ 11:24

Piny bä wek cath thïn ëbɛ̈n abï ya pinydun. Akɛɛthken abïk rɔt gɔl në jɔ̈ɔ̈ric të lɔ wöuwic leer kur ke Lebanɔn të lɔ rut, ku gɔl në wɛ̈ɛ̈r ë Yuparat të lɔ aköl amiäk leer në Wɛ̈ɛ̈r Ɣer të lɔ aköl athɛ̈i.