Jowɛl 2:19 - JAM DE NHIALIC 2011

¹⁹ Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Jowɛl 2:19 ပူးပေါင်းရင်းမြစ်များ

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Edhekiɛl 34:29

Abä ke gäm duum ee ŋiëc luɔk, ku ta cɔk kääc ë piny yic. Acïï juöör kɔ̈k keek bï bɛ aa dhɔ̈l gup

Edhekiɛl 36:15

Piny acïï bï bɛ ŋoot ke piŋ ka lueel juöör dɔl kek yeguöp ku nɔn buikï guöp. Piny acïï bï bɛ ŋoot ke rum jur në mïthke. Acä lueel, Yɛn Bɛ̈nydït Awärjäŋ.”

Edhekiɛl 36:29

Wek bä ke kony në këriëëc ee we dhiöök ëbɛ̈n. Yɛn bï rap yɔ̈ɔ̈k bïk juëc ke we cïï nïïm bï bɛ dɛk cɔk.

Edhekiɛl 36:30

Yɛn bï mïth ke tiim ee luɔk ŋuak nyïïn ku duumkun, ke cïï bï bɛ dɛk cɔŋ bï week yɔ̈ɔ̈r në juöör yiic.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Ɣodh 2:15

Ku Yɛn bï wak de Akor puk aye kueer de aŋäth. Yithriɛl abä puɔ̈k nɔm duumkɛn ke tiim. Ka Yithriɛl abï piɔ̈u bɛ miɛt ke Yɛn cït man ɣɔn yen meth, në akööl ɣɔn bɛ̈ɛ̈i Yɛn en bei paan ë Rip.

Ɣodh 2:21

Ku lueel ë Bɛ̈nydït, an, “Ku në ee köölë, Yɛn bï tënhial piŋ thok, ku tënhial abï piny nɔm piŋ thok. “Ku piny nɔm abï rap piŋ thok, ku piŋ mɔ̈u thok, ku miök, ku abïk piny de Jedhreel jɔ piŋ thok kedhie.

Jowɛl 1:10

Duum acïk riääk, piny ë nɔm yiɛɛl wei në biäk cïï ë rap riɔ̈ɔ̈k, ku mɔ̈u ë dëu, ku tiim ke miök acïk biɔɔr.

Jowɛl 2:24

Ku yiukun abïk thiäŋ në rap, ku thiäŋ tönykun abïk nïïm lɔ wei në mɔ̈u ku miök.

Lebai 26:5

Wek bï aa käm aɣët të bï rap tem ku tɛmkï rap aɣët të bï com bɛ bɛ̈n, ku wek bï këcam kaarkï ëbɛ̈n cam, ku wek bï rɛ̈ɛ̈r ë diu pinydun.

Dhek 8:12

Abïk aa com të cïn riɔ̈ɔ̈c. Ku tiimkɛn ke enap abïk aa luɔk apiɛth, ku piny abï ya luɔk në këriëëc ëbɛ̈n, ku deŋ abï dït arëët. Yɛn bï kɔckiën lik cï döŋ gäm ee kakë kedhie.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Nyöŋ 11:14

Na lak looi, abï deŋ tuɔɔc pinydun të kɔɔr ë yen, rut ku anyɔ̈ɔ̈c, aguɔkï nïïm dɛ anyuɔl, ku mɔ̈u, ku miök de Olip,

Ruuth 1:6

Na ɣɔn, aa ŋoot Nawomi ke rɛ̈ɛ̈r piny de Mowap, ke piŋ luɔi cïï Bɛ̈nydït kɔcke lɔ̈ɔ̈k loor, ka acïk nïïm dɛ këcam. Go Nawomi guik kekë diäär ke wɛ̈ɛ̈tke.