Jowɛl 2:17 - JAM DE NHIALIC 2011

¹⁷ Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Jowɛl 2:17 ပူးပေါင်းရင်းမြစ်များ

1 Mel 6:3

Ku gɔ̈ɔ̈l nu ë yethok aye bɛ̈ɛ̈r de yen kɔ̈u mitïïr kaŋuan ku biäk, ku dït de yen yic ee mitïïr kadhoŋuan.

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

2 Lëk 7:20

ke wek bä nyaai piny cä gäm week, ku Yɛn bï Luaŋdït cä thieeiyë ke ee të bï ë Yɛn aa lam thïn nyääŋ piny. Abï kɔc ke wuöt ëbɛ̈n kääŋ aa lueel ku dɔl guöp, ku yek looi arac.

2 Lëk 8:12

Go Tholomon Bɛ̈nydït gäm miɔ̈c ye nyop ëbɛ̈n në yïïŋ cï yïk në Luaŋdït nɔm tueŋ.

Neɣe 9:36

Ku ënɔɔnë wok ee lïïm piny ee yen ë gämë wook, piny ŋic luɔk, ee wo gäm kacaam.

Diɛt 115:2

Eeŋö ye juöör ke pinynɔm wook thiëëc an, “Nu Nhialicdu ë nou?”

Diɛt 42:10

Yɛn cï guöp tɔ̈ɔ̈k në kɔc ke aterdï në yöökdɛn yek kek cool ë yöök ɛn an, “Nu Nhialicdu ë nou?”

Diɛt 42:11

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 42:3

Pïïu ke yanyin acïk aa këcamdï aköl ku wakɔ̈u, të ye kɔc ke aterdï a yɔ̈ɔ̈k aköölnyïïn an, “Nu Nhialicdu ë nou?”

Diɛt 42:4

Kakë aya keek tak, të yan yapiɔ̈u lueel, në täu wään yan lɔ wo kuut ɣön ë Nhialic, ku wat keek të jɔ wok lɔ ke wo cath kuut mit piɔ̈ɔ̈th, kït në röldït ë diɛt ke thieithieei.

Diɛt 74:10

Ee run kadï Bɛ̈nydït yen bïï kɔc ke ater Yïn aa dɔl gup? Bïk rinku ya läät aɣet athɛɛr?

Diɛt 79:10

Eeŋö duëër ë juöör wook aa thiëëc an, “Nu Nhialicdun ë nou?” Tɔ wo tïŋ luɔi dui Yïn juöör në luɔi cï kek rim ke awuutku tɔ kuëër piny.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Diɛt 89:41

Kɔc ee tɛ̈ɛ̈k ëtɛ̈ɛ̈n ëbɛ̈n ayek kake kual, ku kɔc thiääk në yen ëbɛ̈n ayek yen dɔl guöp.

Diɛt 89:51

Kɔc ke aterdu ayek raanduön cï tɔc läät Bɛ̈nydït! Ayek läät në ɣäänkɛn ye kek lɔ thïn ëbɛ̈n.

Bɛ̈n 34:9

Ku lueel an, “Bɛ̈nydït, na mit ë piɔ̈u ë yic we yɛn, ke yï pɛ̈l wook awɛ̈ɛ̈ckuɔ ku karɛckuɔ, ku gam wook tɔ wook ee kɔcku. Ku lɔ wekë wook. Kɔckë arilkï nïïm.”

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jowɛl 1:9

Miɔ̈c ë rap, ku miɔ̈c ye dek acïï kɔyɔm keek tɛɛm wei Luaŋdïït de Bɛ̈nydït, ka bäny ke kake Nhialic, ayï kɔc luui Bɛ̈nydït adhiaukï në biäk cïn en miɔ̈c gëmkï Bɛ̈nydït.

Amoth 7:2

Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?

Amoth 7:5

Guɔ Bɛ̈nydït Nhialic lɔ̈ŋ an, “Kääcë Bɛ̈nydït Awärjäŋ! Duëër kɔcku pïïr adï? Keek akoorkï ku akɔ̈ckï?

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Malakai 1:9

Kë cïï Bɛ̈nydït de rɛm lueel kï an, “Ku ënɔɔnë, läŋkï Nhialic në wepiɔ̈ɔ̈th, ke bï piɔ̈u bɛ kok kekë week. Yak tak duëër week gam në ee miɔ̈cduön cït kë yak gäm Ee në?

Kuɛ̈n 25:6

Ku ëtɛ̈ɛ̈n, raan de Yithriɛl tök acï nyan ë kɔc ke Midian bɛ̈ɛ̈i baaide aköl ke woi ë Mothe, ku woi ë akutnɔm de kɔc ke Yithriɛl kedhie, ke ke dhiau në paany de mät thok.

Math 23:35

Luɔi bï riɛm piɛthic ëbɛ̈n riɛm cï lëu ë piny nɔm, luɔi bï ye kut nɔm ë weyiëth, gɔl ë riɛm de Abel raan piɛthpiɔ̈u aɣët riɛm de Dhekaria wën ë Barakia raan cäk nɔ̈k ë kaam de tëɣeric kekë yïk.

Math 27:43

Ee Nhialic ŋɔ̈ɔ̈th, në luɛ̈k ënɔɔnë, të kɔɔr en en, në luɛl ee yen e lueel an, Yɛn ee Wën ë Nhialic.”

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny

Jocua 7:9

Abï kɔc ke Kanaan en jɔ piŋ, ku piŋ ë raan ëbɛ̈n, raan rɛ̈ɛ̈r ee pinyë, abïk wo gɛɛu piny ku näkkï wook wodhie! Ka bä dhuëëŋdu jɔ döt adï?”