Jowɛl 2:16 - JAM DE NHIALIC 2011

¹⁶ Matkï kɔc nïïm, ku takï akutnɔm ɣeric, määtkï röördït nïïm, ku mïth kor, ayï mïth thuët. Takï monythiëk nyiëëŋ ɣönde piny, ku bɔ̈ nyan kaman bei ɣönde.

Jowɛl 2:16 ပူးပေါင်းရင်းမြစ်များ

2 Lëk 20:13

Kɔc ke Juda kedhie në diäärken ku mïthken, aake kääc ëtɛ̈ɛ̈n në Luaŋdït thok.

2 Lëk 29:5

Ku jiëëm keek ëtɛ̈ɛ̈n. Go lueel an, “Wek Lebai guiɛɛrkï röt bäk lɔgɔk aguɔkï ɣön de Bɛ̈nydït Nhialic de kuarkun tɔ lɔgɔk. Bɛ̈ɛ̈ikï kak ee tëɣeric tɔ de yic acuɔl bei.

2 Lëk 30:17

Në biäk kën ë kɔc juëc në amatnɔmic kegup tɔ piɛth, akënkï nyök amɛ̈l ke dhuëëŋ de Winythok nɔ̈k, ago ë Lebai ke looi ë nyïïnken yiic, agokï yiic ɣɛɛr tëde Bɛ̈nydït.

2 Lëk 30:19

“Bɛ̈nydït Nhialic de kuarkuɔ, në piathdu pälë ee kɔc läŋ yïn ë piɔ̈ɔ̈thken ëbɛ̈n awɛ̈ɛ̈cken, acakaa nɔn kën kek lööŋ ke tëɣeric agɔk döt.”

2 Lëk 35:6

Wek bï nyök amɛ̈l ku bɔɔth ke dhuëëŋ de Winythok nɔ̈k. Takï röt lɔgɔk, ku guiɛɛrkï miɔ̈c näk, ago kɔckuön ke Yithriɛl wɛ̈ɛ̈t cï Bɛ̈nydït gämë Mothe kuany cök.”

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Diɛt 19:5

akɔ̈l ee bɛ̈n bei cït man ë monythiëk bɔ̈ bei ɣöndɛn ë nïn, ee tɔ̈u ë ŋekŋek cï man ee raan ee thuëëc kɔɔr nɔn bï en wuöör ke kɔc.

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Bɛ̈n 19:15

Go Mothe lɛ̈k keek an, “Guiɛɛrkï röt në biäk de rutui, ku cïn raan tɔ̈c ke tik në ee nïnkë yiic.”

Bɛ̈n 19:22

Ayï bäny ke kake Nhialic bɔ̈ të nu Bɛ̈nydït thïn, ë ke ye kegup kɔn waak. Na cïkï lɔ looi aya, abï Bɛ̈nydït ke luöi këtuc.”

Jowɛl 1:14

Caalkï thɛ̈k ɣeric, calkï amatnɔm! Matkï röördït nïïm ku kɔc cieŋ piny ë Juda kedhie bäk lɔ Luaŋdïït de Bɛ̈nydït Nhialicdun, ku läŋkï Bɛ̈nydït.

Math 21:16

ku thiëckï an, “Kë lueel mïthkë cï piŋ?” Go Yecu ke yɔ̈ɔ̈k an, “Ɣɛɛ, kɛ̈nkï kɔn kueen ë awerekic anandun an, ‘Yïn ë lɛcdu tɔ ye dikëdik në mïththiikë thook ayï mïth ŋoot ë ke thuët?”’

Math 9:15

Go Yecu ke yɔ̈ɔ̈k an, “Duëër wɛ̈ɛ̈t riëëc ë monythiëk aa dhiau, të ŋootë monythiëk ke tɔ̈u ke keek? Akööl abïk bɛ̈n, akööl bï monythiëk jɔt ë keyiic, yen abï kek cäm rɛɛc.

1 Kor 7:5

Ë ŋɛk cïï rɔt ee pɛ̈n ŋɛk, ë röm bä wek thook röm tei bäk röt pɔ̈l ë aköölkë, ke we bï cök ë läŋ läŋ wek Nhialic, ku jakï röt bɛ mat ëtök, ke we cïï Catan bï them, në kuny kuöc wek röt muk.

Jocua 7:13

Ka yïn, jɔt rɔt! Ku tɔ kɔc waak abïk ɣɛɛr, ku ë ke guiir röt bïk bɛ̈n në yanɔm. lɛ̈kë keek bïk bɛ̈n ë Yanɔm miäk, ke bä keek bɛ̈n guiëër ee kënë ke piŋkï, an, ‘Yithriɛl, ka wään lɛ̈k week an, riäkkï keek, taitai, acä wek kɔ̈k thiaan! Ka kɔckuön ke ater abïk week aa tiaam, agut të bä wek ee kakë kɔn nyaai nyïïn kedhie taitai!’

Jocua 8:35

Jocua ë lööŋ ke Mothe bɛ̈n kuɛ̈n kɔc ke amatnɔm cï kenïïm mat kedhie, diäär, ayï mïth ayï kɔc lei rɛ̈ɛ̈r në keek.

1 Tham 16:5

Go bɛ̈ɛ̈r an, “Ɣɛɛ, ee këpiɛth. Yɛn aa bɔ̈ bä Bɛ̈nydït bɛ̈n miɔɔc. Ka week, waakkï, ku bäk lokku ëtök.” Ku yöök Jethe an, wɛɛk kekë wɛ̈ɛ̈tke ëtök, ke ke bï lɔ në yen ayadäŋ.