Jowɛl 2:12 - JAM DE NHIALIC 2011

¹² Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Jowɛl 2:12 ပူးပေါင်းရင်းမြစ်များ

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

2 Lëk 30:6

Go tuc ë tooc melik kekë bänyke lɔ bïk kɔc lɔ lɛ̈k piny de Juda ku Yithriɛl ku yek lueel an: “Kɔc ke Yithriɛl wek cï poth të wään cïï Athiriya pinydun peec. Ënɔɔnë pɔ̈kkï röt Bɛ̈nydït, Nhialic de Abraɣam, ku Yithaak, ku Jakop, ku abï yenɔm pɔ̈k week.

2 Lëk 6:27

Bɛ̈nydït piŋ lɔ̈ŋden paannhial, ku pälë awɛ̈ɛ̈c lïïmku kɔckuön ke Yithriɛl, ku nyuöth ë keek bïk këpiɛth aa looi. Ku Bɛ̈nydït tuöc ë keek deŋ, piny cï gäm keek bï aa këden athɛɛr.

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Bɛ̈n 33:5

Në biäk cï Bɛ̈nydït Mothe yɔ̈ɔ̈k nɔn lëk en e keek an, “Wek ee kɔc ril nïïm. Na cath wo week na cakaa tëthiinakäŋ ke we duëër riɔ̈ɔ̈k taitai. Ku ënɔɔnë, bɛ̈ɛ̈ikï guëtkuön läk bei ke we bä luöi kë kaar bä looi.”

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Yith 58:4

Reec ya wek cäm rɛɛc ee we tɔ loi akuöörkuöör, wek ee göth ku luɔikï tɔŋ. Yak tak thɛ̈k cït ee kënë bïï Yɛn tɔ piŋ lɔ̈ŋdun?

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Jeremia 4:1

Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Danyel 9:3

Guɔ Nhialic Bɛ̈nydït lɔ̈ŋ në piɔ̈ndï ëbɛ̈n, yɛn aa läŋ Nhialic ka ya reec cäm, ku ciɛŋ lupɔɔ ke cual, ku rɛ̈ɛ̈r në abuui yic.

Ɣodh 12:6

Ku ënɔɔnë, wek kuat de Jakop, puɔ̈kkï röt Nhialicdun. Muɔ̈kkï nhiëërde yic, ku luɔi de yic. Ku yak kë bï ë Nhialicdun looi tiit.

Ɣodh 12:7

Aye Bɛ̈nydït lueel an, “Ku kɔc ee ɣɔɔc, ayek kɔc thɛ̈m në kake thëm dak thook, anhiaarkï ka lei.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Dhek 7:3

Ku abïk bäny ke kake Nhialic de Luaŋdïït de Bɛ̈nydït de rɛm luɔp, ku lopkï tït an, “Buk ŋoot ke wo dhiëëu riääk në thɛ̈k ye wok thek në pɛɛi ye pɛ̈i dhïc cït man wään ye wok cool ë thëk ë caŋ wään?

Dhek 7:5

Lueel an, “lɛ̈kë kɔc cieŋ piny kedhie, ayï bäny ke kakë Nhialic, an nɔn ya wek thek, ku dhiaukï në pɛɛi ye pɛ̈i dhïc, ku pɛɛi ye pɛ̈i dhorou në ee runkë yiic kedhie kathiërdhorou, ë we ye thek në këdï?

Malakai 1:9

Kë cïï Bɛ̈nydït de rɛm lueel kï an, “Ku ënɔɔnë, läŋkï Nhialic në wepiɔ̈ɔ̈th, ke bï piɔ̈u bɛ kok kekë week. Yak tak duëër week gam në ee miɔ̈cduön cït kë yak gäm Ee në?

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Bäny 2:4

Na wën acï tunynhial ë Bɛ̈nydït thök ë jam, go kɔc ke Yithriɛl ke röt jat nhial dhiaukï.

Bäny 20:26

Ago kɔc ke Yithriɛl kedhie lɔ Bethel, ku dhiaukï ëtɛ̈ɛ̈n ë Bɛ̈nydït nɔm, ku reeckï cäm abï akɔ̈l lɔ piny. Gokï Bɛ̈nydït gäm miɔ̈c ye nyop ëbɛ̈n, ku miɔ̈c de mät.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”

1 Tham 7:6

Agokï kenïïm lɔ kut Midhpa. Gokï pïïu gem, ku wɛ̈lkï keek piny ke ye miɔ̈c de Bɛ̈nydït, ku reeckï këcam ee köölë yic ëbɛ̈n. Gokï lueel an, “Wok cï awäc luöi Bɛ̈nydït.” (Go Thamwɛl agööth ke Yithriɛl guiir në Midhpa.)