Jowɛl 2:11 - JAM DE NHIALIC 2011

¹¹ Bɛ̈nydït ee rel në rem de tɔŋde nɔm tueŋ. Rem de tɔŋ ee löŋde riëëu ajuëckï ku arilkï. Kööl ë Bɛ̈nydït ee kööldïït tuc thok! Eeŋa bï ye lëu në guöm?

Jowɛl 2:11 ပူးပေါင်းရင်းမြစ်များ

Diɛt 18:14

Ago dhaŋde moc, go kɔc de ater në yen thiäi piny, ku cop keek në wilëdeŋ.

Diɛt 46:6

Juöör ayek riɔ̈ɔ̈c ku lɛthë ciɛɛŋ Nhialic ee määr cï deŋ, go piny lëëŋ.

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Yith 13:4

Piɛŋkï awuɔɔu në kur nïïm, ee röl de kɔc juëc aläl, ee röl ë juöör ku ciɛɛŋ ke piny nɔm mɛ̈ɛ̈t kenïïm. Bɛ̈nydït de rɛm de tɔŋ akïït remdɛn ë tɔŋ ke bï lɔ thɔ̈ɔ̈r.

Yith 42:13

Bɛ̈nydït ee lɔ biic ke lɔ piɔ̈t cït rem ë tɔŋ, acï rɔt guiir ke de piɔ̈u tɔŋ. Ee dhiën ë tɔŋ gam ku looi awuɔɔu de tɔŋ, ee riɛlde nyuöth kɔc ke aterde.

Yith 7:18

“Të le ee köölë bɛ̈n, Bɛ̈nydït abï lou ke ye kïn bï rem de tɔŋ de Rip cït luaŋ tɔ bɔ̈ në nyïïn mec ke Kiir kɔ̈ɔ̈th, ku në luɔi bï ë rem de tɔŋ de Athiriya tɔ bɔ̈ pinyden cï kiëc.

Jeremia 25:30

“Ku yïn Jeremia, yïn bï këriëëc cä lueel ëbɛ̈n guiir. Yïn bï ee kɔckë dhil yɔ̈ɔ̈k an, ‘Bɛ̈nydï abï wuur tënhial, ku rel tëdɛn ɣeric nhial ya. Abï wuur ë kɔcke gup, abï kïïu cï raan dum enapic. Abï raan ëbɛ̈n piŋ ë piny nɔm,

Jeremia 30:7

Kööl rac abɔ̈, acïn kööldäŋ bïï thɔ̈ŋ en, ee kööl ë jiɛthëpiɔ̈u tëde kɔckï, ku abïk pïïr.”

Jeremia 50:34

Ku raan bï keek luök aril, rinke acɔl keek Bɛ̈nydït de rɛm. Yen guöpde abï këden nööm ku abï mät bɛ̈ɛ̈i ë piny nɔm, ku kɔc ke Babilonia abïk nuan.”

Edhekiɛl 22:14

Yak tak de riɛl ë piɔ̈u bï döŋ ku nɔn ee riɛl duɛ̈ɛ̈r wek we cin jat nhial të cän thök wo week? Ee yɛn Bɛ̈nydït yɛn aa jam, ku yɛn ee kë cä lueel muk.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 1:6

Pinydï acïï jur peec, jur dït arëët ku riil, ku cieŋ lec cït lec ke köör, ku gul cït gul ke ŋun ë köör.

Jowɛl 2:1

Kuɔthkï kaaŋ në Dhiɔn, lɛ̈kkï kɔc në kuurdiën ɣeric nɔm. Takï kɔc cieŋ piny lɛthë kedhie. Kööl ë Bɛ̈nydït ë guɔ thiɔ̈k.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Jowɛl 2:25

Wek bä cuöl kakuön cï riääk në run ke luny de kɔyɔm, wään cï rɛɛpkun cam. Ee Yɛn ë tuc week ee rem de tɔŋë.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:14

Kuut dïït ë kɔc ë guëër ëbɛ̈n në wak de tɛ̈m ë löŋic. Në luɔi cïï kööl ë Bɛ̈nydït thiɔ̈k në wak ë tɛ̈m ë löŋic.

Jowɛl 3:16

Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Amoth 1:2

Ago Amoth lueel an, “Bɛ̈nydït abï jam në kuur ë Dhiɔn nɔm, ku reel në Jeruthalem. Ka ɣään ke nyuäth ke kɔc ee thök tiit abïk riɛl kedhie, ayï kuur ë Karmel abï nɔm biɔɔr aya.

Amoth 5:18

Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Amoth 5:20

Kööl ë Bɛ̈nydït abï cuɔl acï bï ɣɛɛr, abï ya kööl ë jiɛthëpiɔ̈u, kööl cïnic tëthiin ɣer liŋliŋ.

Obadaya 1:15

Ago Bɛ̈nydït jam lueel an, “Akööl acïk thiɔ̈k, akööl bän juöör ke piny nɔm luöi këtuc kedhie. Kë cäk looi wek kɔc ke Edom, yen abï bɛ luöi week. Kë man ë luɔikï, yen abï rɔt bɛ puɔ̈k week.

Naɣum 1:6

Eeŋa duëër agönhde guum? Eeŋa duëër abiɔ̈r de ŋeenyde lëu në guöm? Ee agönhde luööŋ piny cït man ë mac, ku kur ayek röt mot në Yenɔm.

Malakai 3:2

Ku eeŋa bï kööl ë bɛ̈nde lëu në guöm? Ku eeŋa bï kɔ̈ɔ̈c lëu të len tuöl? Abï ciët manydïït de thɛ̈th ee yen ateek lëëŋ, ku cït athabun ril ye lupɔɔ waak abïk ɣɛɛr.

Kuɛ̈n 24:23

Go Balaam nyuuthë lueel an, Ee yï ŋa ee kakë, kɔc cï kenïïm mat të lɔ rutë?

1 Theth 4:16

Bɛ̈nydït guöp abï bɛ̈n piny paannhial në kiɛɛu, ku në röl ë bɛ̈ny nu ë tuucnhial nïïm, ku kaaŋ de Nhialic, go kɔc cï thou në Kërthoyic agokï röt kɔn jɔt:

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”

Nyuuth 6:17

kööldïït ë agönhdɛn dït acï guɔ ɣëët, ku eeŋa duëër kɔ̈ɔ̈c lëu?”