Jowɛl 2:10 - JAM DE NHIALIC 2011

¹⁰ Piny ee rɔt nieeŋ në kenïïm tueŋ, ku lɛthë tënhial. Akɔ̈l kekë pɛɛi acïk cuɔl, ku kuɛl acïkï be riau.

Jowɛl 2:10 ပူးပေါင်းရင်းမြစ်များ

Diɛt 114:7

Ago piny rɔt nieeŋ në riɔ̈ɔ̈c de bɛ̈n ë Bɛ̈nydït, de bɛ̈n ë Nhialic de Jakop,

Diɛt 18:7

Ago piny rɔt nieeŋ ku lɛthë, ku lɛthë këërkëër ke kur ku kuemkï röt, në luɔi cï Bɛ̈nydït piɔ̈u diu.

Yith 13:10

Kuel ke paannhial ëbɛ̈n ku kuut ke kuɛl acïkï bï riau, ku akɔ̈l abï cuɔl të bïï yen thok, ku pɛɛi acï bï ruɛl.

Yith 34:4

Akɔ̈l ku pɛɛi ku kuɛl abïk kuɛɛm abïk röt looi ke ke ye abuui. Tënhial abï määr abï ciët biöŋ cï dolic, ku löny kuɛl cï yïth ke tiim ke ŋaap ku nɔn ee enap.

Yith 5:30

Të le köölë bɛ̈n, abïk roor aläl ke ke bɛ̈k Yithriɛl cït man ë wɛ̈ɛ̈r. Tiëŋkï wut! Ee mɔ̈ɔ̈th ku nuandït! Ɣɛɛr acïï ë mɔ̈ɔ̈th liek.

Jeremia 4:23

Yɛn cï piny tïŋ ke ye riaaŋ cïn kë ye yök thïn, ku të nhial acïn ɣɛɛr.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:4

“Eeŋö kaarkï tëde Yɛn yïn Tayer wekë Thidon, ku paan de Pilithtiya ëbɛ̈n? De kë guöörkï, kë cä luöi week? Na de kë guöörkï, ke Yɛn bï kë cäk luöi Yɛn jɔ dap guöör nɔm në week aruööth.

Amoth 5:8

Nhialic yen aa cak kuɛl kedhie, kuɛl lɔyok, ku ciëër ë run ë piny. Ee wakɔ̈u puk tɔ ye aköl, ku puk aköl ke ye wakɔ̈u. Ee pïïu ke wɛ̈ɛ̈r cɔɔl, ku piɛɛk keek biic në tiɔp nɔm. Rinke acɔl ke Bɛ̈nydït.

Naɣum 1:5

Kur ayek röt nieeŋ në Yenɔm, ku lɛ̈ɛ̈ŋ kur kor. Piny aye lath të tɔ̈u En thïn, ayï kɔc cieŋ pinynɔm kedhie aye keek lath aya.

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Math 27:51

Ku ja lupɔ dïït nu Luaŋdït rɛɛt ërou, gɔl nhial ɣeet piny, go piny rɔt niɛŋ, go kuurdït yiic pak,

Luɔi 2:20

Akɔ̈l abï rɔt puk aye cuɔlëpiny, ku bï pɛɛi rɔt puk aye riɛm, Të ŋoot ëkööldïït ë Bɛ̈nydït ke kën bɛ̈n, kööl bï tïc ëgɔk:

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 6:12

Na wën, ke ya jɔt anyin, të wën kuek en adöŋ ee kek dhetem bei, go piny rɔt niɛŋ arëët, go akɔ̈l cuɔl ëcut, cït cuaal cï cuëëc ë nhïm col, ku jɔ pɛɛi ciët riɛm liŋliŋ.

Nyuuth 8:12

Na wën, ke tunynhial ee kek ŋuan koth kaaŋde, ku jɔ baŋ töŋ de akɔ̈l yup, baŋ wën ee kek diäk, ku yup baŋ töŋ de pɛɛi, ku baŋ töŋ de kuɛl, baŋ wën ee kek diäk, ago baŋ töŋ ë keek ago cuɔl, baŋ wën ee kek diäk, go piny cuö ɣer aköl ë baŋ töŋ de baŋ wën ee kek diäk, ayï wakɔ̈u ayadäŋ.

Nyuuth 9:2

Go adhum thuth cïï thar tiëc tueer thok, go tol rɔt mɔc nhial ë adhumic, cït man ë tol ë manydïït dɛ̈p ëjaŋjaŋ, go akɔ̈l tɔ col ayï nhial në baŋ de tol ë adhum.