Jowɛl 1:12 - JAM DE NHIALIC 2011

¹² Tiim ke enap acïk riɔu, ku biɔɔr tiim ke ŋaap, ku tiim nu ë duum yiic kedhie acïk riɔu: tiim ke pomegraneet, ku akööt, ku tiim ke tupa. Ka kɔc acïkï piɔ̈ɔ̈th be miɛt.

Jowɛl 1:12 ပူးပေါင်းရင်းမြစ်များ

Diɛt 4:7

Ku miɛtëpiɔ̈u cï gäm ɛn adït awär kë bïk yök ë caŋ ɣɔn në rɛɛpken, ku mäuken ëbɛ̈n.

Diɛt 92:12

Kɔc piɛthpiɔ̈ɔ̈th abïk luɔk cï tiim ke akööt, abïk cil cï tiim ke thidar de Lebanɔn.

Diɛt ke 2:3

Täu ye tiim ke tupa tɔ̈u ë tiim rooric, yen acït täu de monydiën nhiaar ë röör kɔ̈k yiic. Aya nhiaar bä rɛ̈ɛ̈r ë yelɔ̈ɔ̈m, ku mit mïthke në yathok.

Diɛt ke 4:13

Ëtɛ̈ɛ̈n yen aye ka cï com luɔk thïn. Ayek cil cï duum ke tiim ke pomegraneet, ku ayek luɔk në mïth ke tiim piɛth. Ayï wal cɔl ɣena kekë nard,

Yith 16:10

Acïn raan mit piɔ̈u në duum ŋic luɔk yiic. Acïn raan kit dit ku nɔn moc kiɛɛu de miɛtëpiɔ̈u në duum yiic. Acïn raan ee enap dhiim looi yen mɔ̈u, kiɛɛu de miɛtëpiɔ̈u acï thök.

Yith 24:11

Kɔc adhiaukï në kuɛɛriic në biäk de ciɛ̈n mɔ̈u. Miɛtëpiɔ̈u ë jäl athɛɛr, ë määr ë piny nɔm.

Yith 24:7

Enap abï yom, ku mɔ̈u ë liu. Ku raan ë mit piɔ̈u ɣɔn ë piɔ̈u riääk ënɔɔnë,

Yith 9:3

Yïn cï jur ŋuak nyin Bɛ̈nydït, ku acï ke tɔ mit piɔ̈ɔ̈th, në kë cïk looi cït man ye kɔc piɔ̈ɔ̈th miɛt në kööl ë tëm ë rap, ku nɔn ee kööl tek ë ka cï peec.

Jeremia 48:3

Kɔc ke Ɣoronaim ayek cööt an, ‘Akuöörkuöör! Riääk!’

Jeremia 48:33

Miɛtëpiɔ̈u ku dɔl acï keek jɔt piny piɛth de Mowap. Yɛn cï mɔ̈u pën wat tëde dhiëm de mɔ̈u, acïn raan ee mɔ̈u bɛ dhiim ë miɛtëpiɔ̈u, cöt acie cöt ë miɛtëpiɔ̈u.

Jowɛl 1:10

Duum acïk riääk, piny ë nɔm yiɛɛl wei në biäk cïï ë rap riɔ̈ɔ̈k, ku mɔ̈u ë dëu, ku tiim ke miök acïk biɔɔr.

Jowɛl 1:16

Rap ariɔ̈k keek në wo nyïïn ke cïn kony. Acïn miɛtëpiɔ̈u nu Luaŋdïït de Nhialicda.

Jona 4:7

Na ɣɔn amiäk, ke Bɛ̈nydït ë tɔ kɔ̈m cam mei ke kuɔɔt, ago jɔ guɔ biɔɔr ku thou.

Ɣagai 2:19

Ŋoot kɔ̈th ë ɣööt yiic? Ŋoot tiim ke ke kën luɔk? Tiim ke enap, ku tiim ke ŋaap, ku tiim ke pomegraneet, ku tiim ke olip. Wek bä thieei gɔl ee köölë le tueŋ.

Malakai 3:11

Ku Yɛn cïï käm bï tɔ riäk rɛɛpkun. Ku tiimkuön yak com domic abïk duɔɔny në mïth. Yen kë cïï Bɛ̈nydït de rɛm lueel ka.

Kuɛ̈n 13:23

Na wën, acï nëëm ɣet në Wak de Ecekol, ke ke dhoŋ kër ke enap cï duɔɔny në mïth. Ago kɔc kaarou këër tök aa käk ë wai kɔ̈u ku ketkï. Acïk mïth ke ŋaap bɛ̈n bɛ̈ɛ̈i, ku bïïkï mïth ke tim ke Pomegraneet ayadäŋ.