Jop 9:5 - JAM DE NHIALIC 2011

⁵ Ee kur tuök thäär nhial në agönhde, ku nyɛɛi ke tëden ke cïn kë ŋickï.

Jop 9:5 ပူးပေါင်းရင်းမြစ်များ

Jop 26:6

Paan ë thuɔɔu aɣɔ̈ɔ̈r nɔm tëde Nhialic, Abadon acïn nɔm akum,

Jop 28:9

Kɔc ayek kuur ril ë tör wec thar piny, abïk bɛ̈ɛ̈i thar bei.

Jop 34:25

Në biäk ŋic En kë yek looi, aye ke wit ku dhoŋ ke piny wakɔ̈u.

Jop 40:11

Tïŋ kɔc ee röt tɔ dït, ku ŋɛ̈nyë keek, kuɔɔrë ke piny.

Jop 41:11

Eeŋa duëër en mak ku bï ŋoot ke poth? Acïn raan ë pinynɔm duëër e lëu.

Diɛt 114:6

Wek kur eeŋö tɔ we kɛɛc nhial cï bɔɔth? Wek kur kor eeŋö aa wek kac ke we wil piny cï amithöök ke amɛ̈l?

Diɛt 46:2

Ka wook cïï bï riɔ̈ɔ̈c. Na cak piny rɔt niɛŋ, ku lɛthë kur ke abäpdit thäär piny,

Diɛt 68:8

Piny aye lath, ku të nhial ee deŋ luööŋ piny, në biäk de bɛ̈n ë Nhialic de Thinai. Go kuur ë Thinai lath në Nhialic nɔm, Nhialic de Yithriɛl.

Yith 40:12

De raan duëër dït de abäpdit yic them në yeciin, ku nɔn them en paannhial në yeciin? De raan duëër tiɔɔm de piny nɔm muk në abïny ku nɔn them thiɛk de kuur në kë ye thëm?

Naɣum 1:5

Kur ayek röt nieeŋ në Yenɔm, ku lɛ̈ɛ̈ŋ kur kor. Piny aye lath të tɔ̈u En thïn, ayï kɔc cieŋ pinynɔm kedhie aye keek lath aya.

Naɣum 1:6

Eeŋa duëër agönhde guum? Eeŋa duëër abiɔ̈r de ŋeenyde lëu në guöm? Ee agönhde luööŋ piny cït man ë mac, ku kur ayek röt mot në Yenɔm.

Ɣabakuk 3:10

Të cïï kur Yïn tïŋ aye ke lath, Yïn ë pïïu wäl piny nhial. Piääu dït riŋ piny ayek roor, ku moc apiöŋ ë wɛ̈ɛ̈r rɔ nhial ya.

Ɣabakuk 3:6

Të jɔt En rɔt ciɛth, piny aye lath, të cï Yen E nyin cuat, kɔc juöör aye ke lath. Ee kur ɣɔn thɛɛr tɔ lɔ thorthor abïk wɛɛr, ku tɔ kur kor cur piny kur wään Yen cath thïn ɣɔn thɛɛr.

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Math 21:21

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, na cathkï ë gäm, ku cäkï piɔ̈ɔ̈th wiël ë kaamic, ke we cïï kënë bï looi tei, kë cï luöi ŋaap, ku na yɔ̈ɔ̈kkï kuurdïïtë aya an, ‘Tɔ rɔt nyiɛɛiyë, deenyë yï wïïr,’ ka duëërë looi.

Math 27:51

Ku ja lupɔ dïït nu Luaŋdït rɛɛt ërou, gɔl nhial ɣeet piny, go piny rɔt niɛŋ, go kuurdït yiic pak,

Luk 21:11

Ku piny abï rɔt niɛŋ tɛ̈ɛ̈n ku tɛ̈ɛ̈n, ku bɔ̈ cɔŋdït ku jɔɔk ee kɔc thöl, ku ka ye kɔc tïŋ agokï riɔ̈ɔ̈c abïk nu ayï kagöök bɔ̈ nhial.

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 6:14

Go tënhial nyaai cït man ë awerek cï dolic, ku nyiɛɛiyë kurdït kedhie tëden ayï tuöör.