Jop 7:6 - JAM DE NHIALIC 2011

⁶ Nïnkï ariŋkï aläl awärkï alanh kɔɔcë lupɔ, alekkï ke ke thök të cïn aŋäth.

Jop 7:6 ပူးပေါင်းရင်းမြစ်များ

Jop 13:15

Të ciɛk ë Nhialic a nɔ̈k ku ciën nɔm aŋäth, ke yɛn ŋoot ke ya kääc ke ya gööny në Yenɔm.

Jop 14:19

ayï pïïu ayek kɔi lak wei, ku lak gök ë deŋ abuui wei aya, yen kë ye luöi mɛnh ë raan ka, Yïn aŋäthde riɔ̈ɔ̈k.

Jop 16:22

Në run likë yiic yɛn bï lɔ të cïn raan ee yenɔm lɔ puk.

Jop 17:1

Yɛn ë bäp ë pïïr, ku nïnkï acïk thiɔ̈k ë lɔ dum piny ka yɛn tiit ë raŋ.

Jop 17:11

Yɛn cï thiɔ̈k wo jäl, kïïtdï ë riääk, aŋäthdï ë liu,

Jop 17:15

ka aŋäthdï jɔ nu ënou? Ku eeŋa bï aŋäthdï tïŋ?

Jop 17:16

Duëër kë ŋääth lɔ piny ke yɛn ëtök paan ë thuɔɔu? Ku buk lɔ ɣap ëtɛ̈ɛ̈n ë tiɔpic?

Jop 19:10

Acïn biäk kën yup tëde yɛn arëk abä jɔ thöök. Acï aŋäthdï nyaai ka yɛn cït tim cï nyuän thar bei ke meike.

Jop 6:11

Yɛn cïn riɛl bän bɛ tïït ke ya pïïr, bä ŋö tiit ke ya cïn aŋäth?

Jop 9:25

Nïnkiën ke pïïr aciɛthkï aläl awärkï kɔc ŋic riŋ, acïn miɛtëpiɔ̈u nu në keyiic.

Diɛt 102:11

Pïïrdï acï ciët atïm athɛ̈i, yɛn cït wal cï riɛl.

Diɛt 144:4

Acït awuööu de yom, nïnke acïtkï atïm tëëk.

Kɛ̈ŋ 14:32

Luɔi rac ee kɔc ee karɛc looi wit, ku yök raan piɛth piɔ̈u gëlgël të ciɛk en thou.

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Epethiei 2:12

Wek ë cïï thiääk ë Kërtho ɣɔn, wek ë nu pei, ku cäkï ë dïïl ke Yithriɛl, ku wek ë ye kɔc lei, aa cïn këdun thïn ë löŋ cï macic, löŋ de kë cï kɔc lueel an, bï gäm kɔc, wek aa cïn kë ŋäthkï, ku liu Nhialic tëde week ë piny nɔm.

Jakop 1:11

Të cï akɔ̈l ruɛl ago tuöc cït man ë mac, ee wal tɔ biɔɔr, ku jɔ gaakde tɛŋ wei, ago läk de yenguöp liu, yen acït yom bï raan juëc ë kake yom ë kuɛɛrke yiic.

Jakop 4:14

Ku wek kuc kë bï tïc miäk. Wëikun yek käŋö? Ayek ruu tei, ruu ee tïc tëthiinakäŋ, na ëlë, ke jɔ guɔ riäär.

1 Pet 1:13

Yen juɔɔc wek wepiɔ̈ɔ̈th, ku yak yïn, ku yak cök ë ŋääth wek dhuëëŋdepiɔ̈u bïï yiɛ̈n week ë kööl bï Yecu Kërtho rɔt nyuɔɔth.

1 Pet 1:24

Raan ëbɛ̈n acït wäl, “ku dhuëëŋ de raan ëbɛ̈n acït gaak ee wäl moc. Wäl ee biɔɔr, ku jɔ gaak cï moc aa lööny piny: