Jop 5:9 - JAM DE NHIALIC 2011

⁹ Yen Raan ee ka gɛ̈iyë ke looi, ka cïï duëërë lëu në yöŋë yic, ku kapiɛth gɛ̈iyë ke cuku ke duëër lëu në kuɛ̈n.

Jop 5:9 ပူးပေါင်းရင်းမြစ်များ

Jop 10:16

ku të cän rɔt ŋɔ̈ɔ̈th, ke Yïn ee ya yɔ̈ɔ̈p, cït nɔn ee köör lɛ̈i yɔ̈ɔ̈p, ku loi kagɛ̈iyë, tɔ Yïn ke yɛn tɔ gum nuan.

Jop 13:1

Tiëŋkï, kënë ëbɛ̈n acïï nyindï tïŋ ku piŋ yïnydï ku yökic.

Jop 37:14

Pälë rɔt piny të thiinakäŋ Jop, ku piëŋë, gam ka gɛ̈iyë cïï Nhialic looi.

Jop 37:16

Ŋic luɔi ye luäät cath nhial, cie luɔi de gäi ë raan cï dikëdik në pɛlënɔm?

Jop 37:5

Në jam de Nhialic kagɛ̈iyë ayek tuöl, ka läk cuku ke duëër yökiic.

Jop 42:3

Yïn ë yɛn thiëëc an, ‘Yeŋa, kë yïn pɛlënɔmdï luɔp në kuöc jam? Ë yic, yɛn ë jam në ka kɛ̈n ke yökiic, kadït gɛ̈iyë cä ke duëër lëu në ŋïc.

Jop 9:10

Ee kadït gɛ̈ɛ̈iyë ke looi, ka cïï raan ke duëër yökiic, ku cïke lëu në kuën.

Diɛt 139:18

Të kuɛɛn yɛn keek, ajuëckï awärkï liɛɛt. Na jat rɔt, ke Yï yɔ̈k ke Yï tɔ̈u we yɛn.

Diɛt 145:3

Bɛ̈nydït adït, ku abï dhil aa piɔɔny aläl, ku dïtde acïï duëërë yök yic.

Diɛt 40:5

Yïn cï kajuëc luöi wook Bɛ̈nydït Nhialicda. Acïn raan cït Yïn! Yïn cï kïït ke gäi juëc luöi wook. Yɛn cïï duëër jam ë biäkden ëbɛ̈n, kuënden adït aläl!

Diɛt 40:6

Yïn cie köör në miɔ̈c gëmë yïn, yïn cïï län ye nyop ëbɛ̈n në yïk nɔm ee kɔɔr, ku cïï miɔ̈c de kërac ee thiëëc. Yïn aa gëm ɛn yïth bän kë lueel aa piŋ,

Diɛt 72:18

Pianykï Bɛ̈nydït, Nhialic de Yithriɛl! Ee Yen Yetök Yen ë kake gäiyë looi.

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Wɛ̈ɛ̈t 3:11

Acï këriëëc ëbɛ̈n tɔ läk në köölde. Ku acï tän athɛɛr cak ë kɔc piɔ̈ɔ̈th ayadäŋ, ke ke cïï kë cï Nhialic looi ee yökic, gɔl të ɣɔn thɛɛr gɔl ë käŋ aɣet cï thökde.

Yith 40:28

Cïï ŋic? Kɛ̈në piŋ? Bɛ̈nydït ee Nhialic tɔ̈u athɛɛr, ee yen aa cak ë piny thar ëbɛ̈n. Acie dak ku acie bäp. Acïn raan ee täŋde yökic.

Romai 11:33

Eeŋö dïïtë pɛlënɔm de Nhialic aya, ayï ŋïny ŋic en käŋ! Lööŋkɛn cï guiir bï raan ke gii thäär nɛn, ku kuɛɛrke bï raan ke yök adï?