Jop 5:19 - JAM DE NHIALIC 2011

¹⁹ Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Jop 5:19 ပူးပေါင်းရင်းမြစ်များ

Diɛt 34:19

Kɔc piɛthpiɔ̈ɔ̈th aye nuɛɛn juëc ke yök, ku aye Bɛ̈nydït ke kony në keek kedhie.

Diɛt 34:20

Aye Bɛ̈nydït ke döt apiɛth, na cakaa yuɔɔm tök në yomken yiic acïï duëër dhuɔɔŋ.

Diɛt 66:12

Yïn cï kɔc ke aterda, tɔ dum wook, wok cï tëëk në macic kekë amool, ku ënɔɔnë Yïn cï wo bɛ̈ɛ̈i tëde kuɔɔny.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Kɛ̈ŋ 24:16

Të ciɛk kɔc piɛthpiɔ̈ɔ̈th wïïk raanbɛ̈t ayek röt jɔt, ku na kɔc ee karɛc looi aye riääk ke jäp piny.

Kɛ̈ŋ 6:16

Kakë kadhetem ee ka mɛɛn ë Bɛ̈nydït keek, ayï dhoronden acïï ke kɔɔr bï ke tïŋ taitai. Ɣɛ̈ɛ̈c ë nɔm, ku liem ee lueth töör, ku ciin ee raan cïn guöp awäc nɔ̈k, ku piɔ̈n ee karɛc tak, ku cök ee pial ë yät të le kek kërac looi, ku cäätɔ ee käŋ cak ëbɛ̈n, ku raan ee wël rac com në kɔciic.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Jeremia 39:17

Ku Yɛn Bɛ̈nydït, yïn bä gël, ku yïn cïï bï gäm kɔc ee yïn riɔ̈ɔ̈c ë keek.

Danyel 3:17

Na cï Nhialic yok luööi, wo lëu në luäk në many dɛ̈pic, ku në riɛldu yic, ka duëër looi.

Danyel 3:25

Ago melik lueel an, “Ku eeŋö yan kɔc kaŋuan tïŋ acath ë macic? Akën ë ke duöt, ku acïn të töŋ cï nyop tiëc ë kɔc gup, ku ŋuanden acït tunynhial.

Danyel 6:16

Go melik löŋ tääu piny luöi bïï ë Danyel dɔm, ago cuat ɣön cï thiäŋ ke kɔ̈ɔ̈r. Ago lɛ̈k Danyel, “Në Nhialicdu, raan ye luööi ë yïpiɔ̈u ëbɛ̈n kony yïn.

Danyel 6:17

Go kuur tääu ë pul thok, ku tɛ̈ɛ̈u melik kitimdɛn ë bääny ku kitim de adhuëëŋke në kuur kɔ̈u, ago ciën kë bï rɔt waar në biäk de Danyel.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

2 Kor 1:8

Ku wo cïn piɔ̈ɔ̈th luɔi bä wek ka cï dhal kuc, wek mïthëkɔckuɔ, ka cuk yök ë Athia, yïk cï wo yiëk piɔ̈ɔ̈th këthiek ëdot, ke cuku duëër lëu ë guöm, arëk acuk röt kuöc pïïr.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,