Jop 40:8 - JAM DE NHIALIC 2011

⁸ Yïn athem bä nyooth nɔn ciën Ɛn yic, ku tääuwë awäc në Ya yeth, ku jɔ aa raan cïn kë cï wööc?

Jop 40:8 ပူးပေါင်းရင်းမြစ်များ

Jop 10:3

Duëër piath tëde Yïn yen yaaŋ, ku biɔ̈n biɔɔn Yïn luɔi de Yïciin, ku thieei kïït ë kɔc ee karɛc looi?

Jop 10:7

Na cakaa nɔn ŋic Yïn en luɔi cïn en kë cä wööc, ke acïn raan bï ya luäk bei në Yïcin.

Jop 13:18

Tiëŋkï, yɛn cï rɔt coc në këde göönydï, ku aŋiɛc yɛn bïï gäm yinydï.

Jop 16:11

Nhialic ë ya tääu në kɔc ee karɛc looi cin, ë ya cuat ë kɔc rac cin.

Jop 19:6

ku ee Nhialic, Yen aa tɛ̈ɛ̈u ɛn në ee nuanë yic, ku rek ɛn në wïndɛn ë dɛ̈pic.

Jop 32:1

Go kɔckë kadiäk mɔ̈l ke ke cïï wël ke Jop be bɛ̈ɛ̈r, në kë yen rɔt tïŋ ke cïn guöp awäc.

Jop 32:2

Ku jɔ Eliɣu wën ë Barakel, raan de Buth në baai de Ram gɔ̈th aläl ke Jop në këdɛn lueel an, cïn guöp awäc ku gɛ̈k Nhialic,

Jop 34:17

ye Nhialic adöt yiëk yeth gääk? Ye tak mɛɛn yicde raan däŋ?

Diɛt 51:4

Yɛn cï kërac luöi Yïn, ee Yïn Yïtök Yïn acä luöi kërac, ka Yïn de nɔm yic në luöi bï Yïn ɛn luöi këtuc. Ku Yïn cïn guöp awäc të lui yïn ɛn këtuc.

Yith 14:27

Bɛ̈nydït de rɛm acï dhel ë yepiɔ̈u bï ee kënë looi, acï ye kök jat nhial ke kɔɔr bï këtuc looi, ku acïn raan duëër E dɔ̈m kɔ̈ɔ̈c.

Yith 28:18

Löŋduön cäk mac në thuɔɔu abï riɔ̈ɔ̈k, ku riäk amatdun në paan ë thuɔɔu. Të le riääk bɛ̈n ke nap piny we bï tiaam.

Yith 43:26

“Lokku në lukic, bɛ̈ɛ̈iyë göönydu! Nyuɔɔthë göönydu, ke bïï ŋic nɔn de yïn nɔm yic!

Yith 45:9

Amawoou në raan ee teer kekë Aciëŋda. Duëër tööny de tiɔp teer ke raan ee ye cuëëc, tööny cït töny kɔ̈kkë? Duëër tiɔp raan ee ye cuëëc thiëëc eeŋö ye looi? Duëër töny gööny an cïn raan ë cuëc en tëët?

Romai 3:4

Acï bï aa yen! Yeka, tɔ Nhialic ee yic, ciɛk an, ye raan ëbɛ̈n alueeth, acït man cï e gɔ̈ɔ̈r an: “Luɔi bï yï tɔ piɛthpiɔ̈u në wël lueel, Ku luɔi bï yïn kɔc tiaam të guiirë löŋdu.”

Galatai 3:15

Wek mïthëkɔckuɔ, yɛn jam ë jam ë kɔc tei: Löŋ cï mac, acakaa yen ë ye löŋ ë raan tei, të cï e mac ëgɔk, ka cïn raan bï e tɔ cïn naamde, ku acïn raan bï wël kɔ̈k tääu thïn.

Galatai 3:17

Tharde kï yen aluɛɛl an, Löŋ cï mac ɣɔn, löŋ ŋootë Nhialic ke kääc thïn ëgɔk an, ee këde Kërtho, acïï duëërë tɔ cïn naamde në löŋ de Mothe, löŋ cï yiɛ̈n kɔc ë löŋë cök, wën cï en run bot kaŋuan ku thiërdiäk lɛɛr, ku kë cï kɔn lueel an, bï gäm en, acïï löŋ de Mothe duëër tɔ cïn naamde.

Ɣeberuu 7:18

Löŋ thɛɛr acï tääu tɛ̈n në luɔi kɔ̈ɔ̈c en ku acïn piathdɛn nu ke ye.