Jop 40:12 - JAM DE NHIALIC 2011

¹² Ɣɛɛ, gɔk keek apiɛth ku bɛ̈ɛ̈iyë ke piny, ku dap ke dumiic.

Jop 40:12 ပူးပေါင်းရင်းမြစ်များ

Jop 36:20

Du cuɔlëpiny ee nhiaar, thaar ye mɛnh ë raan nyaai nyin.

Diɛt 60:12

Të tɔ̈u ë Nhialic në biäkda wok bï tiam, Yen abï kɔc ke aterda tiaam.

Diɛt 94:2

Ee Yïn ee löŋ ëbɛ̈n guiir, jɔt rɔt ku gämë kɔc ee röt lɛɛc kë rɔ̈ŋ ke keek!

Kɛ̈ŋ 15:25

Ɣööt ke kɔc ee röt leec aye Bɛ̈nydït ke jäp piny, ku gël kake diëër abɛɛr.

Wɛ̈ɛ̈t 11:3

Na cï luäät thiäŋ ë pïïu, aye wäl ë piny nɔm, ku na cï tim wïïk të lɔ wöuwic, ku nɔn ee të lɔ rut, të cï yen wïïk thïn, yen aye yen tɔ̈u thïn.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 13:11

Aye Bɛ̈nydït lueel an, “Yɛn bï riääk bɛ̈ɛ̈i piny ku luöi këtuc kɔc ee karɛc looi ëbɛ̈n, në biäk de karɛckɛn. Yɛn bï raan ëbɛ̈n kuɔɔr piny raan ee yenɔm ɣääc, ku luöi këtuc raan de guöp lɛc ee kɔc kuur.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 22:19

Bɛ̈nydït abï yï nyaai tëduön ë luɔi, ku bïï yïn piny nhial të ɣɔn tɔ̈u yïn thïn.”

Yith 23:9

Aa kïït ë Bɛ̈nydït de rɛm. Aa kïït në luɔi bï yen lɛcden tɔ kääc në biäk de kë cïk looi, ku bïï kɔckɛn ye riëëu kuɔɔr piny

Yith 63:3

Go Bɛ̈nydït bɛ̈ɛ̈r an, “Yɛn ee juöör ke piny nɔm dum yiic, cït man ë kë dhiim mɔ̈n de enap, ku acïn raan cï A bɛ̈n kony. Acä ke dum yiic në agönhdï, go riɛmden lupɔɔkï riɔk kedhie.

Jeremia 48:29

Mowap ade guöp lɛc dït! Yɛn cï lɛcde piŋ, ku dït de nɔmde, ku piɛŋ mɛth ye kɔcke kɔc math, ku luöi ye kek röt leec kapäc.

Danyel 4:24

“Kënë yen alueel ë nyuöth, yïn melik. Ku kë cïï Nhialic dït lueel kï, kë bï rɔt luöi yïn.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Dhek 10:5

Kɔc ke Juda abïk aa tiam cït man ë rem de tɔŋ, ku dumkï kɔckɛn ke ater piny ë tiɔɔm de kuɛɛr yiic. Abïk rem de tɔŋ ë jöŋgöör aa tiaam, në baŋ tɔ̈u ë Bɛ̈nydït ke keek.

Malakai 4:3

Piɛŋkï kë lueel ë Bɛ̈nydït de rɛm an, Kɔc ë karɛc looi abäk keek dum yiic në wecök në ee köölë. Abïk aa abuui tei në wecök kööl lan ee kakë looi.

Luɔi 1:25

raan bï biäk de luɔiyë lɔ̈ɔ̈k nööm, ku bï aa tuc ë nyin ë Judathic, raan cï bɛ̈n bei në wäc cï en käŋ wööc, ago lɔ tëde guöp.”

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

1 Tham 2:7

Yen ee kɔc kɔ̈k gäm nyin kuany, ku tɔ kɔc kɔ̈k tɔ kueth, Yen ee kɔc kɔ̈k kuɔɔr piny ku jɔt kɔc kɔ̈k nhial.