Jop 38:8 - JAM DE NHIALIC 2011

⁸ Ku eeŋa thiök athïïn ke wɛ̈ɛ̈r të ye pïïu riŋ piny?

Jop 38:8 ပူးပေါင်းရင်းမြစ်များ

Cäk 1:9

Ago Nhialic lueel an, “Pïïu nu piny ë ke mɛt röt tëtök kedhie, ku të cï dëu ë tiëc.” Go rɔt looi cït man cï Yen e lueel.

Jop 28:25

Ɣɔn cï Yen yom gäm riɛl ku giit pëk de pïïu,

Jop 38:10

Yɛn cï pëk de pïïu giit wïïr abïk aa kɔ̈ɔ̈c.

Jop 38:9

Ee Yɛn ë kum wɛ̈ɛ̈r nɔm në luäät ku duɔl ë mɔ̈ɔ̈thic.

Diɛt 104:6

Yïn abäpdit tääu ë yenɔm cït awiɛɛi, ku jɔ pïïu kur kum nïïm.

Diɛt 107:24

Gokï ka cï ë Bɛ̈nydït ke looi tïŋ, kakɛn ke gäi nu ë wɛ̈ɛ̈r yic.

Diɛt 33:7

Ku mɛt pïïu ke wɛ̈ɛ̈r nïïm tëtök kedhie, ku tɛ̈ɛ̈u pïïu ke abäpdit tëdɛn kɔɔr.

Kɛ̈ŋ 30:4

De raan cï kɔn lɔ paannhial ku le bɛ̈n piny? Eeŋa cï yom kɔn dɔm në yecin? Eeŋa cï pïïu kɔn duɔl në lupɔde yic? Eeŋa tɛ̈ɛ̈u ë loi piny thar ëbɛ̈n? Cɔl ŋa ku cɔl mɛnhde ŋa? Lɛ̈kë yɛn të ŋic yïn keek.

Kɛ̈ŋ 8:29

Ku yöök pïïu tɔ̈u ë wɛ̈ɛ̈r yiic cïkï bï thiɔɔr awär agöör nïïm, cït man cïï yen ke yɔ̈ɔ̈k, ku tɛ̈ɛ̈u mënke piny.

Yith 40:12

De raan duëër dït de abäpdit yic them në yeciin, ku nɔn them en paannhial në yeciin? De raan duëër tiɔɔm de piny nɔm muk në abïny ku nɔn them thiɛk de kuur në kë ye thëm?

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.