Jop 37:13 - JAM DE NHIALIC 2011

¹³ Ee käŋ tɔ loi röt ë piny nɔm, të ciɛk en aa luöi de nɔm, ku nɔn yen kokëpiɔ̈nde, aye tɔ loi rɔt.

Jop 37:13 ပူးပေါင်းရင်းမြစ်များ

2 Tham 21:10

Na wën ke Ridhpa nyan de Ayia tiiŋ määth ke Thaulo lupɔ de cual looi ke ye kät të wën cïï ë gup ke kɔc tääu thïn në kur nïïm, go jɔ rɛ̈ɛ̈r ëtɛ̈ɛ̈n gɔl ɣɔn tem ë rap agut wään cï deŋ jɔ këër. Aaye diɛt cop aköl ke ke cïï gup ke mïth ke wɛ̈ɛ̈tke bï ŋueet, ku ye gupken gël wakɔ̈u aya në luɔi cïï läi ke bï cuet.

2 Tham 21:14

Go kɔc yom ke Thaulo kekë Jɔnathan tɔ̈ɔ̈u në Dhela piny de dhiën ë Benjamin në raŋ de Kicic wun Thaulo, gokï jam cïï melik lɛ̈k keek jɔ looi ëbɛ̈n. Na wën ke Nhialic ë jɔ lɔ̈ŋ gam në biäk de paanden.

1 Mel 18:41

Go Elija lɛ̈k melik Aɣap, an, “Lɔ nhial lɔ cämë ku dɛ̈kë, yɛn cï awuɔɔu piŋ, deŋ abɔ̈.”

1 Mel 18:45

Të thiinakäŋ, ke luän col ë cut ë go nhial paat, ku put yom, ku lɔ gök dïït ë deŋ piny. Go Aɣap kɛɛc abëldɛn ë tɔŋic ku puk yenɔm Jedhreel.

Edhr 10:9

Ku ë nïnkë yiic kadiäk, kɔc ke Juda ku Benjamin ë ceŋ akɛɛth nïïm acïk bɛ̈n bɛ̈n kedhie ku kutkï kenïïm ë Jeruthalem ë pëër ë ɣön ë Nhialic yic, në kööl ye pɛɛi de dhoŋuan thok thiërrou, deŋ aa tueny, ku në biäk de yom ku kën ë cɔ̈lë keek, kɔc ë bɛ̈n aake lɛthë keek.

Jop 36:31

Yen luɔi yen kɔc kuum, ku gëm ke këcam dït.

Jop 37:14

Pälë rɔt piny të thiinakäŋ Jop, ku piëŋë, gam ka gɛ̈iyë cïï Nhialic looi.

Jop 37:6

Yen ee pïïu cïï yom tɔ rɔ̈k yɔ̈ɔ̈k bïk piny tuɛ̈ny, ke ke ye deŋ ë kɔɔi de yic amaŋ.

Diɛt 65:10

Yïn ee deŋ youyou tuɔɔc në duum cï gɔ̈i yiic, ku tɔ ke bɔ̈ɔ̈t në pïïu, ku tɔ tiɔp ɣäi në nyieer, ku tɔ wal thii cil.

Jowɛl 2:23

Miɛtkï piɔ̈ɔ̈th kɔc ke Dhiɔn, dalkï në kë cï Bɛ̈nydït Nhialicdun luöi week. Acï deŋ dap tɔ këër week në ɣɛɛr de yenpiɔ̈u. Acï dëŋ dït bɛ tɔ tueny cït man ɣɔn tueŋ: dëŋ yaak, ku dëŋ anyɔ̈ɔ̈c.