Jop 36:3 - JAM DE NHIALIC 2011

³ Yïn bä nyuöth dït ë pɛlënɔmdï ku gäm piathëpiɔ̈u Aciëŋdï raan ŋic guïïr.

Jop 36:3 ပူးပေါင်းရင်းမြစ်များ

Jop 32:2

Ku jɔ Eliɣu wën ë Barakel, raan de Buth në baai de Ram gɔ̈th aläl ke Jop në këdɛn lueel an, cïn guöp awäc ku gɛ̈k Nhialic,

Jop 32:8

Ku ee wëi ke Nhialic Awärjäŋ kek ee bɛ̈n ë mɛnh ë raanic, ku yek yen gäm pɛlënɔm.

Jop 34:5

Jop aye lueel an cïn guöp awäc ka Nhialic ajai bï gäm yic.

Jop 36:2

“Pälë rɔt piny në kaam bäär ë määth, ke yï bä lɛ̈k kë kɔɔr bä piŋ tëde Nhialic.

Jop 37:23

Awärjäŋ aril, ka wok cïï bï bɛ̈n ë Yelɔ̈ɔ̈m, Yen ade nɔm riɛldït ku yic, Ku acïï piathëpiɔ̈nde duëër kɔn pɔ̈l.

Jop 4:17

“Duëër raan piɔ̈u piath awär Nhialic, ku nɔn duëër raan awai awär Aciëŋde?

Jop 8:3

Nhialic acïï guiëër ë löŋ ee tɔ ŋɔl, ku cïï yic pɛ̈n tëde Yen Nhialic Awärjäŋ.

Diɛt 11:7

Bɛ̈nydït apiɛthpiɔ̈u, ku anhiaar luɔi piɛth, kɔc lɔ piɔ̈ɔ̈th wai abïk Yen tïŋ nyin.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Danyel 9:14

Yïn Bɛ̈nydït Nhialicda, yïn aacï rɔt guiir bä wook luöi këtuc, ku acï looi, në biäk ee yïn këpiɛth giit ë luɔi aköölnyïïn, ku yïn kënku piŋ thok.

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Math 12:42

Tiiŋ melik nu të lɔ wöuwic abï rɔt jɔt kekë rem de ënɔɔnë ëkööl ë guiëërëlöŋ, ago yiëk yeth gääk, acï bɛ̈n ë piny thar bï pɛl ë Tholomon nɔm bɛ̈n piŋ, ku tiëŋkï, raan kï eenë, raan wär Tholomon.

Romai 9:14

Eeŋö buk jɔ lueel? De jam rɛɛc cath ke Nhialic? Ei, acie yen!

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!