Jop 36:19 - JAM DE NHIALIC 2011

¹⁹ Acïn këpiɛth bïï dhiëëu luöi yïn, të dhiëëu yïn kuɔɔny ë riɛldu ëbɛ̈n aacï yï bï kony ënɔɔnë.

Jop 36:19 ပူးပေါင်းရင်းမြစ်များ

Jop 34:20

Raan aduëër thou wakɔ̈u ëthiäu. Nhialic ee raan yuöp piny ku riëër nyin, Yen ee raan ril nɔ̈k ke cïn raan kony en.

Jop 36:18

kiɛmë yï nɔm piny, du kumthok tɔ met yïn, ku nɔn ee juëc de käŋ yen mär yïn.

Jop 36:20

Du cuɔlëpiny ee nhiaar, thaar ye mɛnh ë raan nyaai nyin.

Jop 9:13

Nhialic acïï agönhde ë pɔ̈lic, ayï kɔc ee ŋuäldïït wïïr cɔl Raɣap luööi, ayek kenïïm guöt piny ë Yecök.

Diɛt 49:7

Acïn raan duëër wëike waar, ku nɔn gëm Nhialic wëu wɛɛr en wëike,

Kɛ̈ŋ 10:2

Kuɛth yök në kuɛɛr rac acïn kony, ee piathëpiɔ̈u yen ee raan kony wëi.

Kɛ̈ŋ 11:21

Ŋiɛckï ëgɔk nɔn cïï kɔc ee karɛc looi bï pɔ̈l ke ke kënë kuum, ee kɔc piɛth piɔ̈ɔ̈th kek bï kony wëi.

Kɛ̈ŋ 11:4

Kuɛth acïn kony në kööl ë agɔ̈th, ee piathëpiɔ̈u yen ee raan kony wëi në thuɔɔu.

Yith 2:20

Të le köölë bɛ̈n, abïk yiëthkɛn ë cïk thɔ̈ɔ̈th në adhääp ku ateek ɣɔn yek lam cuɛ̈t luɔny ku ŋaplaŋathɔ̈ɔ̈t.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Jakop 5:3

Adhɛ̈pkun ku ateŋdun acïk keth, ku kethden abï aa cäätɔ de ater ke week, ku bï riiŋdun cam cït man ë mac. Wek ee wëukun kut në këde kööl rial.