Jop 35:8 - JAM DE NHIALIC 2011

⁸ Ee kɔc cït man ë yïn kek abï gum në biäk de karɛc, ku piathëpiɔ̈ndu ee mɛnh ë raan kony.

Jop 35:8 ပူးပေါင်းရင်းမြစ်များ

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 19:29

Yen tän de ka, të ɣɔn ë riëëk ë Nhialic pɛ̈ɛ̈nydït nu në wakic. Ku Nhialic akën nɔm määr në Abraɣam ɣɔn riëëk En pänydït rëër ë Lɔt thïn. Ago Lɔt tɔ bän ke cïn kë cï ye jak.

Jop 35:7

Ye Nhialic kony, në luɔi cïï yïn aa raan adöt? Acïn kë kɔɔr ë Nhialic tëde yïn.

Jop 35:9

Na cï kɔc miɛn ayek teer, ke ke dhiëëu raan bï ke luök

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Diɛt 106:30

Go Pineɣath rɔt jɔt ku lui kɔc de gup awɛ̈ɛ̈c këtuc, go juäi kɔ̈ɔ̈c.

Wɛ̈ɛ̈t 9:18

Pɛlënɔm aril awär wëu ye ke tɔŋ thɔ̈ɔ̈r, ku raan töŋ ee karɛc looi aduëër kapiɛth juëc riɔ̈ɔ̈k.

Edhekiɛl 22:30

Yɛn kɔɔr raan duëër kal yïk, raan duëër kɔ̈ɔ̈c të cï riääk në kal kɔ̈u, ku bïï piny gël të cïï agönhdï thiɔ̈k ke luɔi riëëk en en, ku acïn raan cä bɛ̈n yök.

Jona 1:12

Go puɔ̈k nɔm keek an, “Cuatkï ya wïïr ke amaŋ ë bï kɔ̈ɔ̈c. Ee këdï yen aa tɔ week yök ee amaŋ rɛɛcë.

Luɔi 27:24

ku jɔ lueel an, ‘Du riɔ̈c, Paulo, yïn bï dhil lɛɛr ë Kaithar nɔm. Ku tïŋ, Nhialic acï yï gäm pïïr pïïrë kɔc cath wek kedhie ayadäŋ.’

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Jocua 22:20

Cäk nïïm määr, ɣɔn cïï Akkan wën ë Dhera löŋ de Nhialic dhɔ̈ŋic, kën riääk akutnɔm de Yithriɛl bɛ̈n yök kedhie, cï bɛ̈n bɛ ya Akkan yetök yen ë thou nɛn në kë de awänyde.”