Jop 34:29 - JAM DE NHIALIC 2011

²⁹ Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Jop 34:29 ပူးပေါင်းရင်းမြစ်များ

2 Tham 7:1

Melik Debid aa rɛ̈ɛ̈r ɣöndɛn ë bääny, ku acïï Bɛ̈nydït gäm mät kekë kɔc ke aterde thiääk ë yen kedhie.

2 Tham 7:11

Të la Yɛn bäny ee löŋ guiir kuɛ̈ny kɔckiën ke Yithriɛl, yïn bä gäm mät wekë kɔc dɛ wek ater kedhie. Ku acä lɛ̈k yïn aya nɔn bän käudu tɔ ye melik ë yïcök.

2 Lëk 20:30

go melik Jeɣocapat bääny muk në mätic, ku jɔ ë Nhialic gäm rëër lɔ diu në ɣään kedhie.

Jop 12:14

Kë cïï Nhialic jäp piny, acïn raan duëër e lëu në yïk, ku raan cï guöör ɣöt, acïn raan duëër e lëu në bïï bei.

Jop 23:13

Ku Yen acïï rɔt ee waar, ku eeŋa duëër ë lëu në puk? Kë kɔɔr piɔ̈nde, yen aye looi.

Jop 34:28

Ayek kɔc kuanynyïïn tɔ yïn dhiëëu Nhialic, ku Yen ee cɔ̈tdɛn kɔɔr kek kuɔny piŋ.

Jop 34:30

Abï ciën kë bï wuöt looi, bï kɔc kuc Nhialic ee kɔc miɛn pën kuöm kuum kek keek.

Diɛt 13:1

Bä nɔm jɔ määr në yɛn agut cï nɛn Bɛ̈nydït? Aɣet athɛɛr? Bä rɔt aa thiaan në yɛn aɣet cï nɛn?

Diɛt 143:7

Bɛ̈nydït bɛ̈ɛ̈rë lɔ̈ŋdï ënɔɔnë! Yɛn cï nɔm ciën aŋäth ëbɛ̈n. Du rɔt thian ë yɛn, na cie yen ke yɛn bï tɔ̈u në kɔc bï lɔ paan ë thuɔɔu.

Diɛt 27:9

du rɔt thian në yɛn, du awundu pɛ̈l wei. Yïn aaye konydï, du ya nyiëëŋ piny, du ya päl, Nhialic, konydï.

Diɛt 30:7

Bɛ̈nydït, yïn piɛth piɔ̈u we yɛn, yïn ee ya kony cï gëlgël de kuur. Ku të cï yïn yïnyin thiaan në yɛn, yɛn ee riɔ̈ɔ̈c.

Diɛt 94:10

Yen aa lui juöör këtuc, cïï keek duëër luöi këtuc? Ee Yen ee raan ee kɔc wɛ̈ɛ̈t kedhie, cïï nɔm duëër dɛ ŋïny de käŋ?

Diɛt 94:13

Aye ke gäm lɔ̈ŋ në akööl ke nuan agut të bïï pul wec deepë kɔc rac.

Bɛ̈n 33:14

Go Bɛ̈nydït lɛ̈k en an, “Yɛn bï cath wokë yïn, ku yïn bä tɔ tiëm.”

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 32:17

Kë bïï ë piathëpiɔ̈u looi ee mät, ku kë bïï yök në piathëpiɔ̈uwic ee rëër adiu ku aŋäth ɣet athɛɛr.

Jeremia 27:8

“Ku na de jur ku nɔn ee ciɛɛŋ cïï Nebukadnedhar bï aa luööi, Yɛn bï ee jurë kuum në tɔŋ, ku cɔk, ku jɔɔk agut të bän yen tɔ riɔ̈ɔ̈k ë Nebukadnedhar taitai.

Edhekiɛl 34:15

Yɛn guöpdï Yɛn bï aa tïn de amɛ̈lkï, ku abä ke kɔ̈ɔ̈r të bïï kek lɔ̈ŋ. Acä lueel, Yɛn Bɛ̈nydït Awärjäŋ.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Pilipoi 4:7

Ku män Nhialic, män ee kɔc dhal ë ŋïc kedhie, abï week gël piɔ̈ɔ̈th ku gël ka yak tak ë Kërtho Yecuyic.