Jop 34:10 - JAM DE NHIALIC 2011

¹⁰ Piɛŋkï kë luɛɛl wek kɔc ee ye tak an yak käŋ yökiic! Bï Nhialic Awärjäŋ kë cie yic looi?

Jop 34:10 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

2 Tham 22:31

Kuɛɛr ke Nhialic ayek dikëdik, ku wëlke aye ke ŋɔ̈ɔ̈th. Yen acït köt tëde kɔc ë gëlde kɔɔr.

2 Lëk 19:7

Riëëukï Bɛ̈nydït ku luöikï apiɛth, në biäk cïï Bɛ̈nydït Nhialicda kɔc ee tek yiic, ku acïï ruëëny ee kɔɔr ku acïï kum thok ee kɔɔr.”

Jop 34:12

Nhialic Awärjäŋ acie luui në kërac, yen acïn raan ye luöi kërac.

Jop 34:34

Raan tiëër nɔm ëbɛ̈n abï gam ë yic, ku raan pelnɔm ëbɛ̈n cï ya piŋ abïï lueel an,

Jop 36:23

Acïn raan duëër Nhialic lɛ̈k ke bïï looi, ku nɔn gɛɛny në kërɛɛc cï looi.

Jop 37:23

Awärjäŋ aril, ka wok cïï bï bɛ̈n ë Yelɔ̈ɔ̈m, Yen ade nɔm riɛldït ku yic, Ku acïï piathëpiɔ̈nde duëër kɔn pɔ̈l.

Jop 8:3

Nhialic acïï guiëër ë löŋ ee tɔ ŋɔl, ku cïï yic pɛ̈n tëde Yen Nhialic Awärjäŋ.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 92:15

Kënë anyooth nɔn ye Bɛ̈nydït yic looi, ku acïn kërɛɛc nu ë piathëpiɔ̈ndï yic.

Kɛ̈ŋ 15:32

Ee biɔ̈n ë rɔt yen ee raan jiëëm dhɔɔtic, ku nhiëër ë jäny ee yöŋ de käŋiic.

Kɛ̈ŋ 6:32

Raan ee tiiŋ lei nööm acïn piɔ̈u. Ee rɔt riɔ̈ɔ̈k tei ë tik.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Romai 9:14

Eeŋö buk jɔ lueel? De jam rɛɛc cath ke Nhialic? Ei, acie yen!

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Jakop 1:13

Ë cïn raan ë ye lueel, të themë ye an, “Yɛn them Nhialic.” Nhialic acïï duëërë them ë kërac, ku Yenguöp acïn raan ee them ayadäŋ.