Jop 31:4 - JAM DE NHIALIC 2011

⁴ Ku Yen ee të le yɛn thïn woi, ku ŋic kaam yan ke tëëk thïn ëbɛ̈n.

Jop 31:4 ပူးပေါင်းရင်းမြစ်များ

Cäk 16:13

Ago Ɣajer rɔt luɔp yetök an, “Cä Nhialic tïŋ ë yic, ku ŋuɔɔt ke ya pïïr?” Go Bɛ̈nydït ë jam ke yen cäk an, “Nhialic ee daai.”

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Jop 11:11

Në biäk ŋic En kɔc cïn thaarden, të cïï Yen karɛcken tïŋ, cïke bï gäär piny?

Jop 14:16

Ku ëtɛ̈ɛ̈n Yïn bï ya gël ku cïï Yïnyin be wɛ̈l awɛ̈ɛ̈ckï.

Jop 23:10

Ku Yen aŋic të nu yɛn, na le ya them, abï ya yök ke ya lɔ gɔk cït adhääp.

Jop 24:23

Aye ke tɔ rɛ̈ɛ̈r ke ke cïï piɔ̈ɔ̈th riɔ̈c, ku döt ke në daai.

Jop 28:24

në biäk Yen të le piny thar guut tïŋ, ku woi kë nu ë piny thar ëbɛ̈n.

Jop 31:37

Yɛn duëër ɣëët ë Yelɔ̈ɔ̈m ke ya laath cï bɛ̈ny ku lɛ̈k këriëëc ëbɛ̈n cä looi.

Jop 34:21

Yen ee të le raan thïn ëbɛ̈n woi.

Jop 36:7

Yen ee kɔc piɛth piɔ̈ɔ̈th gël, ku tɔ ke nyuc në thööny nɔm ë meliik ku tɔ ke riëëuwë ananden.

Diɛt 44:21

ke Yïn aduɛ̈ɛ̈rë ŋic, ë luöi ŋic Yïn kë cïï ë raan thiaan në yepiɔ̈u.

Kɛ̈ŋ 15:3

Acïn të cïï nyin ë Bɛ̈nydït ee lɔ thïn, ee kɔc piɛth woi ku kɔc rac.

Kɛ̈ŋ 5:21

Bɛ̈nydït awoi këriëëc loi ëbɛ̈n. Awoi yïn alɔ të le yïn thïn ëbɛ̈n.

Jeremia 16:17

Yɛn ee këriëëc loikï ëbɛ̈n woi. Acïn kë cï thiaan tëde Yɛn, karɛcken acïkï ee ban ë Yanyin.

Jeremia 32:19

Yïn ee kïït ë pɛlënɔm looi ku loi kadït, Yïn ee këriëëc looi ë raan ëbɛ̈n woi, ku aye ke thieei në kë röŋ ke luɔiden.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Jɔn 1:48

Go Nathanyel thiëëc an, “Ë yï ŋic ɛn tënou?” Go Yecu bɛ̈ɛ̈r an, “Wään ŋoot Pilip ke kën yïn cɔɔl, wään rëër yïn ë ŋaap thar, yïn ë cä tïŋ.”

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.