Jop 3:4 - JAM DE NHIALIC 2011

⁴ Köölë ë puk rɔt aye mɔ̈ɔ̈th! Ku cïï Nhialic be jam nhial në këde, ë cïn ɣɛɛr riau thïn.

Jop 3:4 ပူးပေါင်းရင်းမြစ်များ

Jop 3:3

“Adï jɔ kööl ɣɔn dhiëëthë ya thïn nyaai, ku cien wɛ̈ɛ̈r ɣɔn luel en an, bï maa liac në mɛwä.

Jop 3:5

Yen ee köölë, adï cïï luäät kuöm piny, në mɔ̈ɔ̈thdït lɔ cɔ̈t, ku jɔ cuɔl akɔ̈l riääc.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Amoth 5:18

Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Math 27:45

Na wën, ë thaar kadhetem, ke piny jɔ guɔ cuɔl ëbɛ̈n, aɣët thaar kadhoŋuan.

Luɔi 27:20

Ku jɔku nin juëc lɛɛr ke akɔ̈l ayï kuɛl ke ke cïï tiëc kedhie, ku ŋoot amaŋ ke put aläl, ago aŋäth ë ŋäthku an, bï wo kony, go jäl ë wopiɔ̈ɔ̈th.

Nyöŋ 11:12

Bɛ̈nydït Nhialicdun ee Yen ee pinyë looi, ku aye tiit e ruöön thok ëbɛ̈n.

Nyuuth 16:10

Ku luuŋ dhïnyden gulde ë thöönydïït ë lɛ̈n rac nɔm, go pinydɛn ceŋ cuɔl abï aa cäär, gokï liëpken aa nyii në rɛm reemëke gup,