Jop 27:9 - JAM DE NHIALIC 2011

⁹ Bï Nhialic kiɛɛuden piŋ të cïï riääk ke yök?

Jop 27:9 ပူးပေါင်းရင်းမြစ်များ

Diɛt 109:7

Të guiirë löŋde, tɔ yök ke de guöp awäc, ku tɔ lɔ̈ŋde ee kë cïn naamde!

Diɛt 18:41

Ayek kuɔɔny lip, ku acïn raan ee këden piŋ ayek Bɛ̈nydït cɔɔl, ku Bɛ̈nydït acïï cɔ̈tden ee puk nɔm.

Diɛt 18:42

Yɛn ee kɔc de wok ater mot, ka cïk ciët abuui ye yom gap nhial. Yɛn ee cath në kekɔ̈ɔ̈th cït man ye raan cath ë tiɔp nɔm kueer.

Diɛt 66:18

Na ë ya cï awänydï mɔ̈k ë yapiɔ̈u, adï kën Nhialic ya piŋ röl.

Kɛ̈ŋ 1:27

Kööl le riääk we mook cït man amaŋ, ku tɔ guöm tuc thok, ka wek rem gup në jiɛthëpiɔ̈u.

Kɛ̈ŋ 1:28

Ëtɛ̈ɛ̈n, wek bï ya jɔ aa cɔɔl an pɛlënɔm, ku acä bï bɛ piŋ. Wek bï ya kɔɔr në ɣääniic ëbɛ̈n, ku cäkï ya yök.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Maika 3:4

Akööl abïkï, akööl bä wek Bɛ̈nydït aa cɔɔl, ku acïï cɔ̈tdun bï ya piŋ. Abï yenyin aa kuaak në week, në luɔi cä wek karɛc looi.

Dhek 7:13

Aye Bɛ̈nydït de rɛm lueel an, Në luɔi kën kek kë luɛɛl piŋ, lɔ̈ŋden akɛ̈n bɛ̈n piŋ ɣɔn ye kek lɔ̈ŋ.

Luk 13:25

Rial, të cï bɛ̈ny de ɣöt rɔt guɔ jɔt ku jɔ ɣöt thiöök thok, ku we bï jɔ kɔ̈ɔ̈c biic, ku taŋkï ɣöt thok, ku luɛlkï an, ‘Bɛ̈nydït, liëpë we ɣöt!’ Ku abï bɛ̈ɛ̈r, yöök week an, ‘Wek kuöc të bä wek thïn!’

Jɔn 9:31

Aŋicku nɔn cïï Nhialic këde kɔc ee kërac looi ye piŋ: ku të riëëuwë raan Nhialic, ku ye këde piɔ̈nde looi, këde aye Nhialic piŋ.

Nyöŋ 1:45

Aguɔkï bɛ̈n ciëën ku dhiaukï në Bɛ̈nydït nɔm, ago dhiëndun cïï woi, ku cïï jamdun piŋ aya.

Jakop 4:3

We ye lip, ku cäkï käŋ ee yök, në lip aa wek kuöc lip, ee kë bä wek käŋ aa thiäi wei ë kamit kaarkï, en aa yak lip.