Jop 27:5 - JAM DE NHIALIC 2011

⁵ Wek ë kɔckë, yɛn cïï bï kɔn gam nɔn luɛɛl wek yic, yɛn cïï bï gam në luɔi de yɛn guöp awäc agut cï thondï.

Jop 27:5 ပူးပေါင်းရင်းမြစ်များ

Jop 13:15

Të ciɛk ë Nhialic a nɔ̈k ku ciën nɔm aŋäth, ke yɛn ŋoot ke ya kääc ke ya gööny në Yenɔm.

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Jop 2:3

Go Bɛ̈nydït Catan thiëëc an, “De të cïn Jop tïŋ, raandiën ee Ya luöi ku piŋ Athok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛc yiic. Yen aŋoot ke kääc në piath ë piɔ̈nde yic aril, cakaa nɔn cï yïn Ɛn wëŋë, ke bä lɔ riɔ̈ɔ̈k ke cïn kë cï looi.”

Jop 2:9

Ku ëtɛ̈ɛ̈n acïï tiiŋde lɛ̈k en an, “Ŋuɔɔtë ke yï kääc aril në piathëpiɔ̈ndu yic? Lat Nhialic ku jɔ thou.”

Jop 29:14

Yɛn ceŋ piathëpiɔ̈u ku acï yɔ kuöm piny, ku yicdï acït lupɔ kekë göl ë yanɔm,

Jop 31:7

Na cï cökkï röt yal wei kueer, ku cï piɔ̈ndï kë cïï nyindï tïŋ biɔɔth, ku ye ciindï kërac looi,

Jop 32:1

Go kɔckë kadiäk mɔ̈l ke ke cïï wël ke Jop be bɛ̈ɛ̈r, në kë yen rɔt tïŋ ke cïn guöp awäc.

Jop 32:2

Ku jɔ Eliɣu wën ë Barakel, raan de Buth në baai de Ram gɔ̈th aläl ke Jop në këdɛn lueel an, cïn guöp awäc ku gɛ̈k Nhialic,

Jop 32:3

ku göth ayadäŋ ke math ke Jop kadiäk, në luɔi kën kek bëër lɔ gɔk yök, bëër kek wël ke Jop ku ŋoot ke yek lueel an, de guöp awäc.

Jop 33:9

Yɛn kën wäc, acïn kërɛɛc cä looi, yɛn lɔ wai, ku ciën guöp gääk, yɛn cïn këdï yic thïn wok awɛ̈ɛ̈c.

Jop 42:7

Wën cïï Bɛ̈nydït thök ë jam ke Jop, go lɛ̈k Eliapath an, “Yɛn cï gɔ̈th wo yïn wekë määthku kaarou në biäk kën wek jam në biäkdï në yith cït kueer ë jiɛɛm ë lïmdiën Jop.

Jop 6:29

Pɔ̈kkï wepiɔ̈ɔ̈th, duökï ya bï dhööl, acïn awänydiën cä looi.

Kɛ̈ŋ 17:15

Päl de raan de guöp awäc ku kuöm de raan cïn kë cï looi, amɛɛn Bɛ̈nydït keek.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Galatai 2:11

Na wën, aacï Petero bɛ̈n Antiokia, ke ja jɔ̈ɔ̈ny ë yenɔm, luɔi de yen yeth gääk.

Nyöŋ 25:1

Na wën ke lueel Mothe an, “Na cï kɔc kaarou ke Yithriɛl lɔ gööny yic, bï jamden lɔ guiir, ku raan tök acï yök ke cïn kë cï wööc, ku raan däŋë ade guöp awäc.