Jop 27:22 - JAM DE NHIALIC 2011

²² abïï Nhialic luöi keek në riɛlde ke cïn kokdepiɔ̈u, ku themkï bïk röt wäär wei.

Jop 27:22 ပူးပေါင်းရင်းမြစ်များ

Jop 10:7

Na cakaa nɔn ŋic Yïn en luɔi cïn en kë cä wööc, ke acïn raan bï ya luäk bei në Yïcin.

Jop 11:20

Ku nyïïn ke piɔ̈ɔ̈th ke kɔc ee karɛc looi acïkï ee bɛ daai, acïkï kuɛɛr ke bän ee bɛ yök, ku jäl ë wëiken yen aŋäth töŋdɛn cï döŋ.

Jop 20:24

Të le yen ban në abätäu ë wëëth thok, abï wiɛth maläŋ ke dhaŋ en mɔc piny.

Diɛt 11:6

Ago kɔc rac tuöc lɔ̈k de many de cool, ku tuc keek thulpur dɛ̈p, ku lui keek këtuc në yom de kupiör.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 10:3

Eeŋö bä looi të le Nhialic yï luöi këtuc? Eeŋö bäk looi të le we lɔ yiɛ̈n riääk wun mec? Ee tënou bä wek kuɔɔny lɔ yök thïn? Ee tënou bä wek kajuëckun lɔ thiaan thïn?

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Amoth 2:14

Ku raan ŋic riŋ acï bï ban, ku kɔc ril, riɛlden acï bï tïc. Ayï jööt ke tɔŋ acïkï röt bï lëu në kuny aya.

Jona 1:10

Ago ŋoot ke lëk keek an, “Yɛn aa kɔt në Bɛ̈nydït.” Go kɔc lui abël wïïric jɔ riɔ̈ɔ̈c në riɔ̈ɔ̈c rac, ku lëkkï yen an, “Eeŋö jɔ luöi kë cït ee kënë?

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 32:23

“Abä keek yiɛ̈n riääk cïn pëk, ku mɔ̈ɔ̈c keek në weet ke dhaŋdï kedhie.

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

1 Tham 25:29

Cakaa de raan kɔɔr bïï yïn nɔ̈k, ke wëi ke Bɛ̈nydï abïk yïn tiit në kɔc pïïr ë tök, në riɛl de Bɛ̈nydït Nhialicdu. Ku wëi ke kɔc ke aterdu abï keek riëër wei cït man ë dön nu ë thieec thok.