Jop 27:2 - JAM DE NHIALIC 2011

² “Yɛn cï rɔt kuëëŋ në Nhialic pïïr, Raan cï yinydï cuat wei, ku cï Nhialic Awärjäŋ pïïrdï tɔ tuc thok aläl, ku luɛɛl an,

Jop 27:2 ပူးပေါင်းရင်းမြစ်များ

2 Tham 2:27

Na wën ke lueel Jowap an, “Ee yic në rin ke Nhialic pïïr, ku cïn kë cï lueel, ke kɔc aduëërkï ŋoot ke ke cop week agut cï miäk däŋë.”

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 18:15

Go Elija bɛ̈ɛ̈r an, “Yɛn ë kuëëŋ në Bɛ̈nydït de rɛm, Raan ya luööi nɔn bän rɔt nyuöth melik ee köölë.”

2 Mel 4:27

na wën, cï bɛ̈n tëde Elica raan de Nhialic, go yenɔm guöt piny ku dɔm cök. Ago Geɣadhi rɔt cuɔt an le ciɛɛc wei. Go raan de Nhialic bɛ̈ɛ̈r an, “Päl, kënë tïŋ acï piɔ̈u jiɛth aläl? Ku acïï Bɛ̈nydït mɔ̈ny ɛn, akën a lɛ̈k ë këde.”

Jop 10:3

Duëër piath tëde Yïn yen yaaŋ, ku biɔ̈n biɔɔn Yïn luɔi de Yïciin, ku thieei kïït ë kɔc ee karɛc looi?

Jop 16:11

Nhialic ë ya tääu në kɔc ee karɛc looi cin, ë ya cuat ë kɔc rac cin.

Jop 19:6

ku ee Nhialic, Yen aa tɛ̈ɛ̈u ɛn në ee nuanë yic, ku rek ɛn në wïndɛn ë dɛ̈pic.

Jop 23:16

Nhialic Awärjäŋ ë riɛl ë piɔ̈ndï riɔ̈ɔ̈k, ku riëëc ɛn,

Jop 34:5

Jop aye lueel an cïn guöp awäc ka Nhialic ajai bï gäm yic.

Jop 35:2

“Acie yic Jop, bä lueel nɔn cïn yïn guöp awäc në Nhialic nɔm,

Jop 40:8

Yïn athem bä nyooth nɔn ciën Ɛn yic, ku tääuwë awäc në Ya yeth, ku jɔ aa raan cïn kë cï wööc?

Jop 9:17

Ee yɛn tɔ witë amaŋ, ku miɔɔc a guöp në ɣään tök juëc ke cïn kë cä looi.

Jop 9:18

Acakaa kaam thiin ë wëi acie päl ɛn, ka pïïrdï kën kɛc?

Yith 40:27

Yïn Yithriɛl, eeŋö ee yïn gööny an kuc Bɛ̈nydït nuandun ku cie diɛɛr të guöm wek në kuöc ciɛɛŋ?

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Jeremia 5:2

Cakaa nɔn ya wek e lueel nɔn ya wek Bɛ̈nydït lam, ku ayek kuëëŋ ë lueth.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Kuɛ̈n 14:21

Ku ë yic, cït man täu Ɛn në ee pinyë nɔm, ku cït man bï kɔc ke piny nɔm thiäŋ në dhuëëŋdï kedhie,

Ruuth 3:13

Ka yïn jɔ niin. Të cïï piny ruu alë, abä lɔ luɔp na bï gam në luɔi bï en yï muk. Na cï gam në luɔi bï en yï muk, ka apiɛth arëët. Na cï jaai, ke yɛn ë kuëëŋ ë Bɛ̈nydït, yïn bä muk. Ka yïn nïn, piny ë bï kɔn ruu.’

1 Tham 14:39

Yɛn ë kuëëŋ në rin ke Bɛ̈nydït pïïr raan ee Yithriɛl kuɔny. Cakaa wëndiën Jɔnathan yen ë wäc, ka abï dhil nɔ̈k.” Ku acïn raan töŋ cï bɛ̈n jam në kɔc yiic.

1 Tham 14:45

Na wën ke lëk ë kɔc Thaulo an, “Duëër Jɔnathan thou adï? Ku ee yen raan ë tɔ Yithriɛl tiëm ë tiëm dïïtë? Ei taitai, wok cï kuëëŋ në rin ke Bɛ̈nydït pïïr. Cakaa riöp de yen cök ë cïï dhoŋ. Kënë looi ee köölë aa looi në riɛl de Nhialic.” Ago kɔc Jɔnathan jɔ kony ku akënë bɛ̈n nɔ̈k.

1 Tham 20:21

Ku yɛn bï lïmdï tooc le wiɛth diëc. Na la lɛ̈k lïmdï an, ‘Lɔ wiɛth anukï në yï baŋë, lɔ nöm ke,’ ke yï bɔ̈ bei, acïn kërɛɛc bï yï yök, yɛn ë kuëëŋ në Bɛ̈nydït pïïr.

1 Tham 25:26

Ku ënɔɔnë cït man cïï Bɛ̈nydït yïn tiit, ke yïn kën raan nɔ̈k, ku kɛ̈në rɔt guöör në ciindu, yɛn kuëëŋ në rin ke Bɛ̈nydït, ke ya rɛ̈ɛ̈r në yïnɔm eenë. Kɔc ke aterdu, ku kɔc kɔɔr bïk yïn luöi kërac, abïk ciët Nabal.

1 Tham 25:34

Bɛ̈nydït ë ya muk aguɔ week cïï lui kërac. Ku yɛn aacï kuëëŋ në Nhialic pïïr de Yithriɛl, na ë yï kën dap bɛ̈n yök wekë yɛn, aduëër ciën mony töŋ në mïth ke Nabal yiic, duëër döŋ ke pïïr, të bï piny ke ruu ë lë thɛɛr!”