Jop 24:13 - JAM DE NHIALIC 2011

¹³ Kɔc ee karɛc looi amankï aköl, acïn kë duëërkï looi thïn ku acïkï ee cath.

Jop 24:13 ပူးပေါင်းရင်းမြစ်များ

1 Mel 3:20

Na wën ke jɔt rɔt ë wɛ̈ɛ̈ric cil, ku jɔt wëndï ë ya yɔu ke nyan lïmdu aa ŋoot ke nin, ku le tääu ë ye yɔu, ku tɛ̈ɛ̈c mɛnhdɛn cï thou ë ya yɔu.

Jop 24:12

Në wut thok biic yïn ee kiɛɛu piŋ, kë rem guöp kɔɔr thuɔɔu ateer, ku kɔc cï yiëk bɔ̈ɔ̈t adhiaukï ke ke kɔɔr kuɔɔny ku ŋoot Nhialic ke cïn kë lui kɔc yɔŋ keek.

Jop 24:14

Kɔc ee kɔc luc ayek lɔ cuëër wakɔ̈u, na lɔ piny bɛ̈n ke ruu, ke ke näk kɔc kuanynyïïn.

Jop 24:16

Të cïï piny cuɔl ayek ɣööt thuur kɔ̈ɔ̈th ciëën, ku aköl ayek röt thiɔ̈ɔ̈k në ɣöötkeniic, akuckï aköl.

Jop 38:13

Cï run ë piny kɔn yɔ̈ɔ̈k bïï piny meer, ke kɔc ee karɛc looi bï ke lath tëdɛn ë thiaan?

Jop 38:15

Aköl ee ɣɛɛr aläl, ka ee kɔc ee karɛc looi pɛ̈n luɔi ye kek kɔc luöi tɔɔŋ.

Jop 5:14

Ayek kɔ̈th ë mɔ̈ɔ̈thic aköl, ku jɔkï lɔ päthpäth të kɛ̈ɛ̈c akɔ̈l cil cït wakɔ̈u.

Kɛ̈ŋ 4:19

Ku kueer ë kɔc rac, acït mɔ̈ɔ̈th dïït lɔ cɔ̈t. Na ë ke cak kɔ̈th acïkï kën ee ke tɔ kɔ̈th ee tïŋ.

Jɔn 12:35

Go Yecu ke yɔ̈ɔ̈k an, “E döŋ ke ye tëthiinakäŋ, të nu ɣɛɛrëpiny ë weyiic. Cathkï të ŋuɔɔt wek ë we de ɣɛɛrëpiny, ke we cïï cuɔlëpiny bï mook: raan cath ë cuɔlëpiny akuc të le yen thïn.

Jɔn 12:40

“Acï keek tɔ cɔɔr nyïïn, ku tɔ ke ril piɔ̈ɔ̈th, Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th, Agokï kepiɔ̈ɔ̈th puk, Aguɔ ke tɔ dem.

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Jɔn 8:31

Go Yecu Judai wën cï ye gam yɔ̈ɔ̈k an, “Të täu wek ë jamdï yic, ka wek ee kɔckiën ë piööcë në yic,

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Jakop 4:17

Yen ka, raan ŋic këpiɛth bï looi, ku cïï loi, ke yen aye kërɛɛc nu ë yeyeth.

1 Jɔn 2:19

Aake jël ë woyiic, ku aake cïï raan në wook: të ë ke raan në wook, adï ŋootkï ke ke rɛ̈ɛ̈r në wook: ë luɔi bï kek lɔ gɔk nɔn ë cïï kek raan në wook keek kedhie, en aa jël kek.

Juda 1:6

Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.