Jop 21:14 - JAM DE NHIALIC 2011

¹⁴ Ayek lɛ̈k Nhialic an, nyääŋë wo piny wapäc! Wo cïï köör ë ŋïny de kuɛɛrku.

Jop 21:14 ပူးပေါင်းရင်းမြစ်များ

Jop 22:17

Ayek lɛ̈k Nhialic an, nyääŋë wo piny wapäc! Ku eeŋö ee luöi keek Yen Nhialic Awärjäŋ?

Jop 34:27

Në biäk cï kek mɔ̈l ke cïkï be kuany cök, ku yekï jamde dhɔɔtic.

Jop 35:10

Ku cïkï röt puk Nhialic Aciëŋden, Raan ee ke tɔ ŋäth në akööl ke nuandït.

Diɛt 10:11

Ago kɔc rac röt aa yöök an, “Nhialic ë nɔm määr! Ë yenyin kum ka acïï wo bï bɛ tïŋ ë caaŋde!”

Diɛt 10:4

Kɔc rac acïkï ee diɛɛr në Bɛ̈nydït, aye lɛcden ke tɔ täk nɔn ye Nhialic ɣɔ̈ric.

Diɛt 95:10

Në run kathiërŋuan ke ya man ee kɔckë. Guɔ lueel an, ‘Ee ciɛ̈n gäm cït ŋö cath kekë kɔcë! Acïk löŋdï rɛɛc gam.’

Kɛ̈ŋ 1:22

“Amawoou në week wek kɔc piɔl piɔ̈ɔ̈th! Bäk pial ë piɔ̈u jɔ cuuth agut cï nɛn? Ku wek kɔc ee kɔc bui gup, bäk bui jɔ cuuth agut cï nɛn? Ku wek dhän wek man ŋïnydekäŋ.

Kɛ̈ŋ 1:29

Në baŋ cä wek ŋïnydekäŋ rɛɛc, ku rɛɛckï Bɛ̈nydït riëëu.

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Yith 30:11

Pätkï wo kueer, duökï kueerda thiɔ̈k. Wo cïï köör buk pïŋ ë wël ke Nhialicduön Ɣeric de Yithriɛl.”

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 9:6

Ku jɔkï yaaŋ kut nɔm, ku kutkï mɛth nɔm, acïk jaai bïk A ŋic.”

Ɣabakuk 1:15

Kɔc ke Babilon ayek kɔc gɔn në alɔbithɔden ku thëlkï ke bei në boiken, ku jɔkï lɔ ke ke dɔl ku leckï kenïïm?

Luk 8:28

Na wën, aacï Yecu tïŋ, ke jɔ cööt, ku cuɛt rɔt piny ë yenɔm, ku jɔ lueel ë röl dït an, “Eeŋöda në yïn, Yecu, Wën ë Nhialic Awärjäŋ? Yïn läŋ, du ya leŋ wëi!”

Luk 8:37

Na wën, ke kut ë kɔc ëbɛ̈n kɔc ke piny de Gadaren, piny thiääk kekë tɛ̈ɛ̈n, ke jɔkï lɔ̈ŋ an, bï jäl pinyden, acï riɔ̈ɔ̈c dït ke dɔm: go lɔ ë abëlic, ku jɔ enɔm puk.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.