Jop 2:9 - JAM DE NHIALIC 2011

⁹ Ku ëtɛ̈ɛ̈n acïï tiiŋde lɛ̈k en an, “Ŋuɔɔtë ke yï kääc aril në piathëpiɔ̈ndu yic? Lat Nhialic ku jɔ thou.”

Jop 2:9 ပူးပေါင်းရင်းမြစ်များ

Cäk 3:12

Go raan puk nɔm an, “Tiiŋ wään yiënë yɛn, an bï ya bɛ̈n kuïïl nyin, acï ya gäm mɛnh ë tim, guɔ cam.”

Cäk 3:6

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

1 Mel 11:4

ku na ɣɔn cïï Tholomon dhiɔp acïk yen bɛ̈n pɔ̈k piɔ̈u në läm de yiëth yiic. Akën Bɛ̈nydït Nhialicde riëëu, cït man ye wun Debid ye looi.

2 Mel 6:33

Të wën jɔ yen ŋoot ke jam ke keek, ke tuny ë melik ë go bɛ̈n tëde Elica ku lueel an, “Ee Bɛ̈nydït Yen ë bïï ë nuɛɛnkë! Ka eeŋö ja bɛ tiët Bɛ̈nydït?”

Jop 1:11

Ënɔɔnthiinë, riɛnyë Yïciin tueŋ da, ku jak këriëëcdɛn tɔ̈u ke yen, abï Yï lat ë Yïnyin!”

Jop 2:10

Go lɛ̈k tiiŋde an, “Yïn e jam tei ë jam ë raan piɔlpiɔ̈u. Na yok kapiɛth gam tëde Nhialic, eeŋö cïï wok katuc thook ee guum aya?” Në ee kakë yiic kedhie akën wäc në yeliep.

Jop 2:3

Go Bɛ̈nydït Catan thiëëc an, “De të cïn Jop tïŋ, raandiën ee Ya luöi ku piŋ Athok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛc yiic. Yen aŋoot ke kääc në piath ë piɔ̈nde yic aril, cakaa nɔn cï yïn Ɛn wëŋë, ke bä lɔ riɔ̈ɔ̈k ke cïn kë cï looi.”

Jop 2:5

Ënɔɔnthiinë, riɛnyë Yïciin tueŋ da, ku jak yuɔɔmde ku guöpde, abï Yï lat ë Yïnyin”

Jop 2:8

Ku nɔ̈m Jop abɔ̈c ku le nyuc ë ŋethic ke ɣɔt rɔt.

Malakai 3:14

Acäk lueel an, luɔi luui ë raan Nhialic ee kë cïn naamde, eeŋö buk yök të lueel wok en an loiku ka cï lueel an loi keek? Ku eeŋö buk yök të nyuth wok röt Bɛ̈nydït de rɛm nɔn cï wok piɔ̈ɔ̈th diu në karɛc cuk looi?

Bäny 14:17

Na wën, ke dhiau ë yenɔm ë akööl kadhorou ŋoot ë këcam, na wën ë kööl ya akööl dhorou ke jɔ lɛ̈k en, në luɔi cï yen e cuil guöp, ago meek lɔ lɛ̈k kɔckɛn ke Pilithiin.