Jop 2:8 - JAM DE NHIALIC 2011

⁸ Ku nɔ̈m Jop abɔ̈c ku le nyuc ë ŋethic ke ɣɔt rɔt.

Jop 2:8 ပူးပေါင်းရင်းမြစ်များ

2 Tham 13:19

Go Tamar ŋeth wäl ë yenɔm ku ret lupɔde yic, ku kum yenyin në yecin, ku jiël ke cök e nɔm wei, ke dhiau ë röl dït.

Ethta 4:1

Na wën aa lɔ Modekayo kë cï looi ŋic, ke ret lupɔɔ yiic ë yekɔ̈u, ku tɛ̈ɛ̈u lupɔɔ ke cuɔl, ku wɛ̈l ŋeth ë yenɔm në dhiën ë piɔ̈u ku lee wutic cil ke dhiau ë röldït, ke cï piɔ̈u kɛc në jiɛth ë piɔ̈u,

Ethta 4:3

Ëwuötiic kedhie, wuöt cïï löŋ de Melik piŋ thïn, ee yic dɛ dhiën dïït agök tëde kɔc ke Judai. Aake moc kiɛɛu, dhiaukï, ku reeckï cäm, të dït ë keek aake cieŋ lupɔɔ ke cuɔl ë ke kɔ̈ɔ̈th ku yek röt daal ë ŋethic.

Jop 2:9

Ku ëtɛ̈ɛ̈n acïï tiiŋde lɛ̈k en an, “Ŋuɔɔtë ke yï kääc aril në piathëpiɔ̈ndu yic? Lat Nhialic ku jɔ thou.”

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 38:5

Bɔ̈tdï acï aa tɔ̈ɔ̈k, në biäk de dhɔ̈ɔ̈ndï.

Diɛt 38:7

Yɛn dɛ̈p guöp wokë atuöc, ku yɛn cï thiɔ̈k wo thuɔɔu.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 6:26

Aye Bɛ̈nydït lueel an, “Tääukï lupɔɔ ke cual ku daalkï röt në ŋethic. Dhiaukï në jiɛthëpiɔ̈u cït man ee raan wëndɛn tök dhiëëu, në biäk bïï raan riäk week we mak ëthiäu.

Edhekiɛl 27:30

Adhiëëukï yïn kedhie në jiɛthëpiɔ̈u, ayek kenïïm wäl abuui ku dɛɛlkï röt në ŋethic.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Math 11:21

An, “Amawoou në yïn, yïn Karadhin! Amawoou në yïn, yïn Bethaida! Tëë cï luɔi ril looi ë Tayer ku Thidon, cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ku ceŋkï cual ku rëërkï ë aropic.