Jop 2:12 - JAM DE NHIALIC 2011

¹² Ku të wën jɔ kek e tïŋ tëmec akënkï bɛ̈n ŋic, gokï ke röt jɔt ke ke dhiau, ku retkï lupɔɔ në kekɔ̈ɔ̈th ku yek abuui wɛɛr nhial në jiɛth ë piɔ̈u.

Jop 2:12 ပူးပေါင်းရင်းမြစ်များ

Cäk 27:34

Na wën, apiŋ Ethau jam ë wun, ke kiiu aläl, ku dhiɛɛu në dhiën ë jiɛthëpiɔ̈u, ku lëk wun an, “Thiei yɛn ayadäŋ wää!”

2 Tham 13:36

Na wën cï kënë lueel, ke wɛ̈ɛ̈t ke Debid ë ke jɔ guɔ ɣëët, agokï dhiëëu gɔl, go Debid kekë bänyke kedhie dhiau arëët aya.

Edhr 9:3

Na wën aa piɛŋ ee kënë, guɔ lupɔɔkï rɛtiic ë yakɔ̈u në dhiën ë piɔ̈u, ku nyuän nhïm bei në yanɔm ku yathok, ku nyuööc piny ke ya cï ŋɛɛr ku ja thuc.

Neɣe 9:1

Në kööl ye pɛɛi thok thiërrou ku ŋuan yen ë pɛɛi manë, go kɔc ke Yithriɛl kenïïm mat ku reeckï cäm, nyooth kek dhiën ë piɔ̈u de awɛ̈ɛ̈ckɛn yek looi.

Ethta 4:1

Na wën aa lɔ Modekayo kë cï looi ŋic, ke ret lupɔɔ yiic ë yekɔ̈u, ku tɛ̈ɛ̈u lupɔɔ ke cuɔl, ku wɛ̈l ŋeth ë yenɔm në dhiën ë piɔ̈u ku lee wutic cil ke dhiau ë röldït, ke cï piɔ̈u kɛc në jiɛth ë piɔ̈u,

Jop 1:20

Ëtɛ̈ɛ̈n, Jop ë rɔt jɔt ku ret lupɔ de yen kɔ̈uwic, ku muut enɔm në jiɛth ë piɔ̈u ku gut enɔm piny ke lam Nhialic.

Jop 19:14

kɔc raan në yɛn acïk a nyääŋ piny, ku määthkï acïk nïïm määr në yɛn,

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Edhekiɛl 27:30

Adhiëëukï yïn kedhie në jiɛthëpiɔ̈u, ayek kenïïm wäl abuui ku dɛɛlkï röt në ŋethic.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

Nyuuth 18:19

Agokï abuui dɛɛny ë kenïïm, kiiukï, ku dhiaukï, ku biëkkï keyöth, luelkï, an, “Amawoou! Madinoou, gök de pänydït oou! Pänydïït cï kɔc tɔ kueth ë wëu thïn kedhie, kɔc de abëëlkɛn ee cath ë wɛ̈ɛ̈ric, në juëc juëc ë wëuke! Ee thaar tök tei en aa tɔ ye kuany nyin oou!”

Bäny 2:4

Na wën acï tunynhial ë Bɛ̈nydït thök ë jam, go kɔc ke Yithriɛl ke röt jat nhial dhiaukï.

1 Tham 11:4

Ago kɔc ë toc ɣet Gibia të nu Thaulo. Na wën aa lëkkï kɔc thoŋ ë bïïkï, go kɔc dhiau aläl në jiɛthëpiɔ̈u.

1 Tham 30:4

Go Debid kekë kɔcke dhiau aläl ku reeckï mim agut të bï keek jɔ bäp ke ke cïï dhiëëu be lëu.

1 Tham 4:12

Ku në ee kööl manë, raan dhiën ë Benjamin ëbɛ̈n kat tɔŋ ke lɔ Cilo, ku aacï lupɔɔke rɛtiic në dhiëëu ku yïk yenɔm abuui.