Jop 19:26 - JAM DE NHIALIC 2011

²⁶ na cak thou, ku cï guöpdï liu, ke aŋiɛc nɔn bän ŋööt ke ya bï Nhialic tïŋ.

Jop 19:26 ပူးပေါင်းရင်းမြစ်များ

Diɛt 16:11

Yïn bï ya nyuöth kueer de pïïr, ku täu tɔ̈u Yïn we yɛn ee ya tɔ mit piɔ̈u ku tɔ ya lɔ̈ŋ piɔ̈u aɣet athɛɛr.

Diɛt 16:9

Yen a jan piɔ̈u miɛt aläl, ku lɛɛc Bɛ̈nydït, ku yɔ̈k nɔn duëër En ɛn gël apiɛth,

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Math 5:8

Thieithieei ë kɔc lɔ piɔ̈ɔ̈th wai, abïk Nhialic tïŋ.

1 Kor 13:12

Ku ënɔɔnë, wok ee daai ëmormor, cït man ë raan ë daai acidhathic, ku rial, wo bï aa daai ke wo tuum wonyïïn. Ënɔɔnë yɛn ŋic käŋ ë biäk tei, ku rial yɛn bï käŋ ŋic cït man cï en a ŋic.

1 Kor 15:53

Ku dhiapë abï kë cïï bï dhiap dhil cieŋ cït man ë lupɔ, ku bï këde thuɔɔuwë kë cïï bï thou dhil cieŋ.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.