Jop 15:23 - JAM DE NHIALIC 2011

²³ Ee jɔ wïl ë kaamic ke kɔɔr kë lɔ në yethok, aŋic nɔn cï aköölkɛn ke thuɔɔu ɣëët.

Jop 15:23 ပူးပေါင်းရင်းမြစ်များ

Cäk 4:12

Ku të le yïn piny com nɔm, acïï bï luɔk. Yïn bï jɔ riäu ke yï cïn nɔm wut në ee pinyë nɔm.”

Jop 15:22

Acie ŋäth nɔn bï yen bɛ̈n bei në mɔ̈ɔ̈thic, atit raan bï yen nɔ̈k në abätäu.

Jop 15:24

Diɛɛr ku jiɛthëpiɔ̈u ayek en riääc, cït meliŋ cï tɔŋ kiëët ke mɛk en.

Jop 15:30

acï bï poth në thuɔɔu, abï ciët tim cïï kërke nyop në mac, ku kooth Bɛ̈nydït wëi në yom de Yen thok.

Jop 18:12

Kakɛn wään yen ke riɛl acïk dak, ku atiit ë riääk bï kaaŋic të le yen lööny piny.

Jop 18:18

Nyiɛɛyë piny nɔm, jɔt tëɣer ku jiëpë tëcol.

Diɛt 109:10

Tɔ mïthke ee kɔc ee kuïïn lim cïn nïïm ɣööt, tɔ keek copë wei tëdɛn cï riääk cieŋkï!

Diɛt 59:15

Acïtkï jɔ̈k tai ke ke kɔɔr cäm, ku yek biɔ̈u të kën kek këcam kueth keek yök.

Diɛt 59:16

Ku yɛn bï riɛldu piɔɔny, ku piaany nhiëërduön agɔk miäk rial. Në baŋ Yïn gëlgëldï, ku konydï në aköölkiën ke nuan.

Kɛ̈ŋ 10:3

Bɛ̈nydït acïï kɔc piɛth piɔ̈ɔ̈th ee tɔ nɛ̈k cɔk, ku abï kɔc ee karɛc looi pɛ̈n kë kɔɔrkï.

Kɛ̈ŋ 16:4

Bɛ̈nydït ee këriëëc looi ke de kë lui yen, ayï kɔc ee karɛc looi në akööldɛn ë riääk.

Wɛ̈ɛ̈t 11:8

cakaa yen ë pïïr ë run juëc ke mit piɔ̈u, ke bï dhil ŋic ayadäŋ nɔn bïï runkɛn cïï yen ke akɔ̈l bï tïŋ nyin juëc. Ka cï bɛ̈në kedhie ayek ɣɔ̈ric.

Dhiëëu 5:6

Wok cï lɔ lim ë Rip kekë Athiriya, në luɔi bïï wok kuïn bï wo tɔ rɛ̈ɛ̈r apïïr yök.

Dhiëëu 5:9

Wok ee kuïïn kɔɔr në wëi mit, në biäk ee kɔc ee kɔc nɔ̈k cath ë jɔ̈ɔ̈ric.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Amoth 5:20

Kööl ë Bɛ̈nydït abï cuɔl acï bï ɣɛɛr, abï ya kööl ë jiɛthëpiɔ̈u, kööl cïnic tëthiin ɣer liŋliŋ.

Dhep 1:15

Abï aa kööl nyooth rac de tuöc agönh ë Bɛ̈nydït, kööl tuc thok de nuan kekë diɛɛr, ee kööl bï këriëëc ëbɛ̈n riɔ̈ɔ̈k ku riäär nyin ë kɔc, abï aa kööl de mɔ̈ɔ̈th dïït lɔ cɔ̈t, abï akööl col ku le niëpniëp ke luäät,

Ɣeberuu 10:27

Kë cï döŋ bïk tiit ee riɔ̈ɔ̈c bï bɛ̈n ë kööl ë guiëër ë löŋ ku tuöc ë manydïït bï kɔc ee teer ë Nhialic nyop!