Jop 14:12 - JAM DE NHIALIC 2011

¹² yen aye raan tɔ̈c ku cïï rɔt be jɔt agut të le tënhial liu, acï bï riëër, ku nɔn pɛ̈ɛ̈c ë nïnde yic.

Jop 14:12 ပူးပေါင်းရင်းမြစ်များ

Jop 3:13

Ënɔɔnë adï täu piny ë lik, të ya cï niin ku täu ë lɔ̈ŋic,

Jop 30:23

Ɣɛɛ, aŋiɛc nɔn leer Yïn ɛn tëde thuɔɔu, ee kë cï kiëët në biäk de raan ëbɛ̈n.

Jop 7:21

Eeŋö jiɛi Yïn luɔi pɛ̈l Yïn ɛn awɛ̈ɛ̈ckï ku nyaaiyë karɛckï? Ku ënɔɔnë yɛn bï tɔ̈c abuui yic, Yïn bï ya kɔɔr ku Yïn cïï ya bï bɛ yök.

Jop 7:9

Raan të cï yen lɔ paan ë thuɔɔu, acïï yenɔm ee bɛ dɔ̈k nhial, ee riäär cït man ë luät.

Diɛt 102:26

Abïk riäär kedhie, ku Yïn bï döŋ, abïk riääk cït man ë lupɔɔ. Ku abä ke rɛt cï lupɔɔ, ku abïk riäär taitai.

Diɛt 90:5

Ku Yïn ee wo jɔt cït man ë pïïu ke amool, ku goku määr cï nyuöth. Wok cït wal ee cil miäk rial,

Wɛ̈ɛ̈t 11:8

cakaa yen ë pïïr ë run juëc ke mit piɔ̈u, ke bï dhil ŋic ayadäŋ nɔn bïï runkɛn cïï yen ke akɔ̈l bï tïŋ nyin juëc. Ka cï bɛ̈në kedhie ayek ɣɔ̈ric.

Wɛ̈ɛ̈t 12:5

Ee jɔ riɔ̈ɔ̈c në lɔ në ɣään thöny, ku ye riɔ̈ɔ̈c në cäth ë kuɛɛriic, ku ee nɔm biöör ke luɔu cït tim alemon cï gaak moc, ku cït gɔn cath ke thuet rɔt, ku mɛ̈l në ka yepiɔ̈u ke kɔɔr ëbɛ̈n, raan alɔ ɣön bïï lɔ cieŋ athɛɛr. Ku ëtɛ̈ɛ̈n kɔc ë dhiau abïk piny wil ke ke dhiau ë kuɛɛriic.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Yith 51:6

Tïŋ paannhial, ku bɛ piny tïŋ! Paannhial abï määr cï nɔn ë tol, piny abï dhiap cï lupɔ thɛɛr, ku kɔcke kedhie abïk thou cït man ë luaŋ. Ku kuɔny bä bɛ̈ɛ̈i abï tɔ̈u aɣet athɛɛr, tiëmdï yen ee thök de käŋ.

Yith 65:17

Aye Bɛ̈nydït lueel an, “Yɛn loi piny cï piac cak ku paannhial cï piac cak. Kathɛɛr wään cï röt looi abïk määr në kɔc nïïm taitai.

Yith 66:22

“Cït man bï piny cï piac cak ku paannhial cï piac cak tɔ̈u në riɛldï, yen abï kuatdu ku rinkun tɔ̈u aya.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Math 24:35

Tënhial abï nyai ayï piny, ku wëlkï acïkï bï nyai ananden.

Luɔi 3:21

raan bï dhil ceŋ paannhial aɣɔ̈l kööl ë puŋ bï käŋ puk nïïm kedhie, kööl cïï Nhialic tɔ luel në thook ke tïtkɛn ɣeriic kedhie, gɔl ɣɔn thɛɛr ciɛkë piny.

Romai 8:20

Ku ka cï cak ëbɛ̈n acï ke tääu ë ɣɔ̈ric cök, acie këde piɔ̈nden etök, ku ë këde piɔ̈n ë Raan ɣɔn tɛ̈ɛ̈u keek ë käŋ cök, në ŋäth bï kek e ŋɔ̈ɔ̈th,

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 21:1

Na wën, ke ya tïŋ paannhial cï piac cak ku piny cï piac cak, luɔi cï paannhial tueŋ jäl ayï piny tueŋ: ku acïn wɛ̈ɛ̈r be nu.