Jop 12:23 - JAM DE NHIALIC 2011

²³ Ee juöör tɔ dït ku tɔ ke ril ku riɔ̈ɔ̈k keek, Yen ee juöör tɔ de kɔc juëc ku thel ke wei.

Jop 12:23 ပူးပေါင်းရင်းမြစ်များ

Diɛt 107:38

Bɛ̈nydït ë kɔcke gäm athiɛɛi, agokï dɛ mïth juëc, acï lunydɛn ë ɣɔ̈k tɔ lɔ ke ŋuak yenyin.

Diɛt 107:39

Na wën, cï kɔc ke Nhialic tiaam ku dhäl keek gup në kɔc rac ee kɔc yɔŋ,

Bɛ̈n 1:20

Go Nhialic amadhiëëth ŋiëc luööi apiɛth. Go kɔc ke Yithriɛl jɔ kɛɛr, ku jɔkï juëc arëët.

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Yith 26:15

Bɛ̈nydït Yïn ë jurda kueet, ku tɔ pinyde tɔ dït në tuŋ thook kedhie, ku kënë acï Yïn yiɛ̈n dhuëëŋ.

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Yith 51:2

Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Yith 60:22

Ayï jur koor ku cï rɔt kuɔɔr piny, Abï dït ku abï ciët jurdïït ril. Të le akööl rɔ̈ŋ bɛ̈n, Yɛn bï ee kënë dap tɔ loi rɔt. Acä lueel, Yɛn Bɛ̈nydït!”

Yith 9:3

Yïn cï jur ŋuak nyin Bɛ̈nydït, ku acï ke tɔ mit piɔ̈ɔ̈th, në kë cïk looi cït man ye kɔc piɔ̈ɔ̈th miɛt në kööl ë tëm ë rap, ku nɔn ee kööl tek ë ka cï peec.

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 33:22

Yɛn bï kuën de käu de awundï Debid ŋuak nyïïn ku ŋuak kuën de bäny de kakë Nhialic ke dhiën ë Lebi, ago yic riɛl në kuën bï ë keek kueen, cït man cïï ë raan kuɛl nhial duëër kueen, ku nɔn ee rap ku liɛɛt nu ë wɛ̈ɛ̈r yɔu.”

Dhek 10:8

Acï Bɛ̈nydït lueel an, “Yɛn bï kɔckï cɔɔl ku mat keyiic tëtök. Abä keek luäk bei ë yic, ku ta keek kɛɛr arëët cït man ɣɔn tueŋ.

Luɔi 17:26

Ku yen ee juöör tɔ dhiëth ëbɛ̈n në riɛm tök, abïk piny ɣap nɔm ëbɛ̈n, ku ye keek gäm runkɛn cï kɔn lueel ɣɔn thɛɛr, ku gëm keek akɛɛth ke pinydɛn bï kek ɣap thïn.