Jop 1:1 - JAM DE NHIALIC 2011

¹ Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 1:1 ပူးပေါင်းရင်းမြစ်များ

Cäk 10:23

Käu de Aram ee yï Udh, kekë Ɣul, ku Gither ku Micek.

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 22:12

Go tunynhial lɛ̈k en an, “Du meth jak, ku du de kë luɔiyë yen. Acä ŋic ëgɔk ënɔɔnë, nɔn ee yïn Nhialic riëëu, në luɔi kën yïn wënduön töŋë pɛ̈n Bɛ̈nydït.”

Cäk 36:28

Kakë ee mïth ke Dican: yï Udh kekë Aran.

Cäk 42:18

Na në kööl ë ye akööl diäk, ke lëk ë Jothep keek an, “Yɛn ee raan ee Nhialic riëëu. Kueer töŋ duɛ̈ɛ̈r ɛn we kony wëi kï:

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

1 Lëk 1:17

Wɛ̈ɛ̈t ke Cem ee, Elam, Acuur, Arapakad, Lud, Aram. Udh, Ɣul, Gether, ku Mecek, kuɛɛrëdɛn ë ye keek cäk ee rinkë.

Jop 1:8

Go Bɛ̈nydït Catan thiëëc an, “De të cïn Jop tïŋ, raandiën ee Ya luööi ku piŋ A thok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.”

Jop 2:3

Go Bɛ̈nydït Catan thiëëc an, “De të cïn Jop tïŋ, raandiën ee Ya luöi ku piŋ Athok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛc yiic. Yen aŋoot ke kääc në piath ë piɔ̈nde yic aril, cakaa nɔn cï yïn Ɛn wëŋë, ke bä lɔ riɔ̈ɔ̈k ke cïn kë cï looi.”

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Jop 4:6

Ku yïn ee raan ee Nhialic lam ku yïn ee raan adöt, eeŋö cïn kääc në aŋäthdu yic aril.

Jop 9:21

Yɛn cïn guöp awäc ka yɛn cïï bï bɛ jam në rɔt, ayï pïïrdï acïn naamde.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Kɛ̈ŋ 14:16

Raan pelnɔm ee rɔt tiit ku mec rɔt wei në kërac, ku raan piɔl piɔ̈u acie diɛɛr ë riäŋ bï ye yök.

Kɛ̈ŋ 14:2

Cäth ë kueer adötic ee yen ee riëëu de Bɛ̈nydït, ku kɔc ee cath ë kueer ŋɔlic ayek En biɔɔn.

Kɛ̈ŋ 16:17

Raan piɛth piɔ̈u acie tëëk ë kueer racic, ka tiët ë rɔt ee gël ë wëi.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 20:7

Raan adöt ee rëër ë piath ë piɔ̈uwic, aye mïthke döŋ në athiɛɛi.

Kɛ̈ŋ 3:7

Du rɔt ee yök apel nɔm, ye Bɛ̈nydït riëëu, ku päl luɔi de kërac.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Dhiëëu 4:21

Dalkï kɔc ke Edom ku Udh, miɛtëpiɔ̈u të lëu wek en ënɔɔnë. Riääkdun abɔ̈ ayadäŋ, yïn bï tuëk aya ke yï cïn kɔ̈u lupɔ në ayäär.

Edhekiɛl 14:14

Na cak kɔckë kadiäk, Nowa, ku Danyel ku Jop ë ke cak rëër ëtɛ̈ɛ̈n, piathëpiɔ̈nden aduëër keek kony wei kapäc.” Bɛ̈nydït Awärjäŋ yen aa jam.

Edhekiɛl 14:20

na cakaa Nowa, ku Danyel, ku Jop rëër ëtɛ̈ɛ̈n, ee yic, ke ya ye Bɛ̈nydït Awärjäŋ, yɛn ee Nhialic pïïr, acïn kë duëërkï lëu në kuny ayï mïthken, piathëpiɔ̈nden ee wëiken kek abïk kony kapäc.”

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Nyöŋ 18:13

Yak röt gäm Bɛ̈nydït Nhialicdun taitai në piɔ̈n adöt.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.

1 Pet 3:11

Ë ye rɔt yal ë luɔi de kërac, ku ye këpiɛth jɔ looi, ë ye mät kɔɔr, ku jɔ aa cop.