Jona 4:8 - JAM DE NHIALIC 2011

⁸ Na wën aacï akɔ̈l ruɛl, ke Bɛ̈nydït Nhialic ë tɔ yom de aköl amiäk tɔ put kekë köpiör cï tucëtuc, go tuöc de akɔ̈l Jona duɛ̈ɛ̈r thööŋ abïï nïp ago thuɔɔu ŋuöön. Ku lueel an, “Aŋuɛ̈ɛ̈n ë luɔi thuɔu ɛn ku mäl në pïïr.

Jona 4:8 ပူးပေါင်းရင်းမြစ်များ

Cäk 41:6

Ku löök nïïm kɔ̈k ke rap kadhorou luɔk ke ke kor nïïm, ku cïnkï nyïïn rap apiɛth në biäk de abiɔ̈r ë yom de aköl amiäk.

1 Mel 19:4

Ku le roor guöpde ciɛth ë akööl tök, le ku nyuuc ë tim thar, ku jɔ rɔt läm thuɔɔu lueel an, “Ë loi, ënɔɔnë, Bɛ̈nydït, nyaaiyë wëikï yɛn cïï kuarkuɔ wär!”

1 Mel 21:4

Go Aɣap lɔ ɣönde ku nɛ̈k e nyin ke cï piɔ̈u diu, në jam cï lɛ̈k en ë Naboth raan de Jedhreel, luɔi cï en e lueel, an, cïï bï gäm kë cä lɔ̈ɔ̈k lak tëde kuarken. Go lɔ tɔ̈c në agende nɔm, ku wel e nyin wei, ku cïï cäm.

Jop 2:10

Go lɛ̈k tiiŋde an, “Yïn e jam tei ë jam ë raan piɔlpiɔ̈u. Na yok kapiɛth gam tëde Nhialic, eeŋö cïï wok katuc thook ee guum aya?” Në ee kakë yiic kedhie akën wäc në yeliep.

Jop 7:15

Guɔ thon ë dec ŋuöön në pïïrdï wokë guöm de ee guöpë.

Diɛt 121:6

Akɔ̈l acïï yïn bï nɔ̈k aköl, ayï pɛɛi acïn kë bï luöi yïn wakɔ̈u.

Diɛt 39:9

Yɛn bï thok mim ke cïn kë luɛɛl, në luɔi yen yïn ë tɔ ya nuan aya.

Wɛ̈ɛ̈t 7:9

Du ee dap gɔ̈th, ee dhɔ̈n yen agɔ̈th muk në yepiɔ̈u.

Diɛt ke 1:6

Du yɛn ee biɔɔn guöp në biäk de kïndï, ku në biäk cïï akɔ̈l ya puk guöp. Wɛ̈ɛ̈tëkɔckuɔ aa ke göth në yɛn, gokï yɛn tɔ lɔ lui në dom ë napic. Ka yɛn cï nɔm ciën kaam bɛ yɛn domdiën ë nap kiëët.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Edhekiɛl 19:12

Ku jɔ ë ciin göth nyuän thar bei ayï mei ku cuɛt piny. Go yom de aköl amiäk mïthke tɔ ril wei. Go kërke dhuɔɔŋ, agokï riɛl ku cuɛtë mɛɛc bïk dëp.

Ɣodh 13:15

Na cakaa nɔn cï yen bäny në juööriic, ka cï ciët aguun nu ë wɛ̈ɛ̈r yɔu. Abä tuöc yom tuuc de jɔ̈ɔ̈ric ee bɛ̈n të lɔ aköl amiäk, ku awɛɛŋke abïk dëu, ku nyïïnkɛn ke pïïu abïk liu. Ka abï këriëëcdɛn cïk kuɛ̈t röt jɔt ëbɛ̈n.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Jona 1:17

Ku yen acï Bɛ̈nydït rɛ̈cdït yɔ̈ɔ̈k bï Jona liek, ago liek ku rëër ë rɛ̈c yäc në cooliic kadiäk ku wɛ̈ɛ̈riic kadiäk.

Jona 1:4

Na wën ke Bɛ̈nydït ë tɔ yom dït agök tuk rɔt në wɛ̈ɛ̈ric, man abï amaŋ abël wïïr duɛ̈ɛ̈r tɔ cït kë bï dhuɔɔŋ.

Jona 4:3

Ka Yïn Bɛ̈nydït, jɔt wëikï, aŋuɛ̈ɛ̈n luɔi thuɔu ɛn, ku mäl në pïïr.

Jona 4:9

Go Bɛ̈nydït lueel an, “Dɛ ë nɔm yic duëër yïn tɔ göth në këde kuɔɔt? Ago Jona lueel an, “Ɣɛɛ, yɛn de yic duɛ̈ɛ̈r ɛn gɔ̈th abä thou.

Math 20:12

Luelkï an, ‘Kɔc ë bɔ̈ ciëën aake lui ë thaar tök tei, ku acï ke kiëët ë wook, wok kɔc cï akɔ̈l guum, ayï tuöc de piny!’

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.

Nyuuth 7:16

Acïï cɔk ke bï bɛ nɔ̈k ananden, ku cïkï bï bɛ yal ananden, ayï akɔ̈l acïï keek bï aa nɔ̈k, acakaa atuöc ŋö, acïï ke bï aa nɔ̈k.

1 Tham 3:18

Ago Thamwɛl ye lɛ̈k këriëëc ëbɛ̈n, abïï ciën kë dɔ̈ŋ. Na wën ke lueel an, “Yen ee Bɛ̈nydït, abï këdɛn cï tïŋ ke piɛth looi.”