Jona 3:8 - JAM DE NHIALIC 2011

⁸ Raan ëbɛ̈n abï Nhialic dhil lɔ̈ŋ në yepiɔ̈u ëbɛ̈n, abï yepiɔ̈u dhil puk ëgɔk, ago täu rɛɛcde pɔ̈l, ku pɛ̈l kɛcëpiɔ̈u yen kërac dap looi yë.

Jona 3:8 ပူးပေါင်းရင်းမြစ်များ

Jop 16:17

ku acïn raan töŋ cä kɔn luöi tɔŋ, ku yɛn ee Nhialic lam në piɔ̈n awai.

Jop 36:10

Ka bïï ke tɔ piŋ jänyde bïk, mɔ̈l në luɔi de karɛc.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Yith 59:6

Ku kiɛɛr rɛɛcdun acïn këpiɛth bïï luöi week, acïnkï naamden cït lupɔ ë loi në bɔi de akarkar.

Jeremia 18:11

Ka ënɔɔnë lɛ̈kë kɔc ke Juda ku kɔc ke Jeruthalem, nɔn luöi Yɛn keek kiɛɛr rac, ku cä rɔt kiëët bä ke luöi këtuc. lɛ̈kë keek bïk rëër de rɛ̈ɛ̈c pɔ̈l, ku bïk kuɛɛrken waar ku bïk ka loikï keek pɔ̈l.

Jeremia 25:5

Acïk week yɔ̈ɔ̈k bäk röt puk në kuɛɛrkuön rac yiic, ku në karɛc yak looi yiic, aguɔkï rëër piny cï Bɛ̈nydït gäm week ë kuarkun ke ye këdun aɣet athɛɛr.

Jeremia 26:3

Tɛkdäŋ bï kɔc piŋ ku pɛ̈lkï kuɛɛrkɛn rac. Na lek ke pɔ̈l, ke Yɛn bï Yanɔm waar në riääk cä kiëët kaar bä yiɛ̈n keek, në biäk ë luɔi rɛɛcden ëbɛ̈n.”

Jeremia 36:3

Tɛk däŋ të le kɔc ke Juda riääk kaar bä yiɛ̈n keek ëbɛ̈n piŋ, abïk röt puk ë kuɛɛrkɛn rac yiic. Ku ëtɛ̈ɛ̈n Abä ke päl karɛcken ku awɛ̈ɛ̈cken.”

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Jowɛl 1:14

Caalkï thɛ̈k ɣeric, calkï amatnɔm! Matkï röördït nïïm ku kɔc cieŋ piny ë Juda kedhie bäk lɔ Luaŋdïït de Bɛ̈nydït Nhialicdun, ku läŋkï Bɛ̈nydït.

Jona 1:14

Agokï Bɛ̈nydït lɔ̈ŋ në röldït an, “Bɛ̈nydït, Bɛ̈nydït, du wo lui këtuc de thuɔɔu, të le wok ee raanë nɔ̈k, Bɛ̈nydït, kënë ee täŋdu ku ye luɔidu.

Jona 1:6

Na wën, ke yök ë bɛ̈ny de abël wïïr en ëtɛ̈ɛ̈n, ku lëk en an, “Eeŋö loi ke yï nin? Jɔt rɔt ku cɔl yanhdu. Na de të bïï yen piɔ̈u kok ke wook ku luɛ̈k wo wëi.

Math 3:8

Yen aa wek luɔk në luɔi piɛth, luɔi bï röŋ në puŋëpiɔ̈u,

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”