Jona 3:6 - JAM DE NHIALIC 2011

⁶ Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Jona 3:6 ပူးပေါင်းရင်းမြစ်များ

1 Mel 21:27

Wën jɔ Elija thök ë jam, go Aɣap lupɔɔ ke yen kɔ̈u rɛtiic në jiɛthëpiɔ̈u, ku bïï ke biic ë yekɔ̈u ku pot rɔt në ŋeth, ku reec cäm ku tɔ̈ɔ̈c ë ŋethic, ku jiël ke cï rɔt tak në kë ë lui yë.

Jop 2:8

Ku nɔ̈m Jop abɔ̈c ku le nyuc ë ŋethic ke ɣɔt rɔt.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Yith 15:3

Kɔc nu ë kuɛɛriic ku përiic aceŋkï anuɛɛr në ke kɔ̈ɔ̈th ku dhuöör kɔc në ɣööt nïïm nhial ke ke dhiaukï.

Jeremia 13:18

Go ë Bɛ̈nydït lɛ̈k ɛn an, “Lëkkë melik kekë man bïk bɛ̈n nyuc piny ë thöönyden nɔm, ë biäk cïï göölkɛn läk lööny piny ë kenïïm.

Jeremia 36:13

Acï Mikaya ke lɛ̈k këriëëc ëbɛ̈n kë cï piŋ, ke kuën ë Baruk kɔc.

Jeremia 36:24

Ku melik ku bänyke akënkï bɛ̈n riɔ̈ɔ̈c wën piŋ kek ee jamë, ku akënkï luöi cï kek wäc nyuɔɔth aya.

Jeremia 6:26

Aye Bɛ̈nydït lueel an, “Tääukï lupɔɔ ke cual ku daalkï röt në ŋethic. Dhiaukï në jiɛthëpiɔ̈u cït man ee raan wëndɛn tök dhiëëu, në biäk bïï raan riäk week we mak ëthiäu.

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Dhiëëu 3:29

Wo duëër wonïïm guöt piny në riëëu, në biäk duëër aŋäth dhil ŋoot ke tɔ̈u.

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Danyel 9:3

Guɔ Nhialic Bɛ̈nydït lɔ̈ŋ në piɔ̈ndï ëbɛ̈n, yɛn aa läŋ Nhialic ka ya reec cäm, ku ciɛŋ lupɔɔ ke cual, ku rɛ̈ɛ̈r në abuui yic.

Maika 1:10

Go Maika lueel an, “Duökï riäŋdun tɔ piŋ ë Gath. Miɛmkï, duökï dhiau taitai. Daalkï röt piny abuui yic, wek kɔc wun ë Beth Opera!

Math 11:21

An, “Amawoou në yïn, yïn Karadhin! Amawoou në yïn, yïn Bethaida! Tëë cï luɔi ril looi ë Tayer ku Thidon, cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ku ceŋkï cual ku rëërkï ë aropic.

Luk 10:13

Amawoou në yïn, Koradhin! Amawoou në yïn, Bethaida! Tëë kadït ril cï looi ë Tayer ku Thidon cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ke ke ceŋ cual ku yek rëër ë aropic!